Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 338 Hüküm no: 294 Orijinal metin no: [89b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Talanda ve Zeytun reayasının Manol ve Yakomi’yi kendilerine kethüda tayin ettikleri Vilâyet-i Rumeli’nde vâki‘ Talanda ve Zeytun re‘âyâsından mahmiye-i İstanbul’da olan perâkende re‘âyâsı meclis-i şer‘-i şerîfe hâzırûn olup kendilerine iki kimesne kethüdâ nasb olunmak lâzımdır deyu sâhibâ hâze’l-kitâb yine sâlifü’z-zikr perâkende re‘âyâsından Edirnekapısı dâhilinde sâkin Manol v. Yorgi ve Yakomi v. Yani nâm zimmîleri kendilerine kethüdâ nasb olunmak taleb ve recâ ettiklerinde merkūmân Manol ve Yakomi sâbıkda olan kethüdâlar resmden mu‘âf oldukları gibi bunlar dahi mu‘âf olmak üzere re‘âyâ-yı mezbûreden mahmiye-i merkūmede vâki‘ olan re‘âyâya kethüdâlar nasb olunup onlar dahi minvâl-i meşrûh üzere kabûl ve hizmet-i lâzımelerini edâya müte‘ahhid olduklarından sonra mâ-hüve’l-vâkı‘ bi’t-taleb ketb olundu. Fi’l-yevmi’l-hâdî ve’l-ışrîn min-Recebi’l-mürecceb li-sene ihdâ ve selâsîn ve elf. Şühûdü’l-hâl: Fahrü’l-müderrisîn Mevlânâ İbrahim Efendi b. Ahmed, Fethullah Çelebi b. Yahya, Abdülkadir b. Abdurrahman, Yusuf Bey b. ( ) el-bevvâbü’s-sultânî, Ali b. Hasan, Mehmed b. Mehmed ve gayruhüm.