Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 351 Hüküm no: 305 Orijinal metin no: [93b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Çelebi b. Bekir Çelebi’nin vakfiyesi Hüve’l-mu‘în Bismi’l-vâkıf ale’s-serâir el-kâşif ammâ fi’d-damâir Elhamdülillâhi’l-vâkıf alâ-mâ-fi’l-fuâd el-muvaffık li-sebili’r-reşâdi’l-mukadder li-erzâkı’l-ibâdi’l-müdebbir li-ahvâlihim alâ-nehci’s-sedâd el-mukaddim? li’l-muhsinîne fî-dâri’l-karâr cennâtin tecrî min-tahtiha’l-enhâr fe-nahmedühû alâ-minahihi’l-mütekâsire ve ni‘amihi’l-bâtına ve’z-zâhira ve neşküruhû alâ-mâ-hamele’d-dünyâ mezra‘ate’l-âhira ve meksebe li’l-a‘mâli’s-sâlihati’l-fâhira ve nusallî alâ-Muhammedin el-meb‘ûsi bi’l-Kur’âni’l-müeyyed bi’l-mu‘cizeti ve’l-bürhân ve alâ-âlihî ve ashâbihi’r-râgıbîn ile’l-birri ve’l-ihsân Allâhü hasbî ve’l-vâkıfü alâ-a‘mâlî ve kesbî Mâ-tezammenehû hâze’r-rıkku’l-menşûr ve’nderece fî-hılâli hâtike’s-sutûr mine’l-vakfi ve’t-tesbîli temme’l-muhâsama ma‘a’l-mütevellî li-ecli’l-hükmi bi’l-lüzûmi ve’t-tescîl cerâ ledeyye ve zahara ve behere beyne yedeyye ve hakemtü bi-sıhhati hâze’l-vakfi’l-etemmi ve bi-lüzûmihî fî-husûsihî ve umûmihî âlimen bi’l-hilâfi’l-cârî beyne’l-eimmeti’l-eslâf fî-emri’l-evkāf fe-sâre vakfen sahîhan lâzimen ve habsen sarîhan li rakkı’n-nizâ‘ hâsımen ve ecrü’l-vâkıf el-hayrü’l-lebîb ale’r-rabbi’l-kerîm el-mücîb harrerehü’l-fakīr ilâ-afvi rabbihi’s-samed Kemâleddin Mehmed b. Ahmed el-Kādî bi-asâkiri Rumeli -ufiye anhümâ- Ve ba‘d, işbu mazmûnunda vakıf ikrârından bahseden sahîh ve şer‘î bir hüccettir. Fahrü’l-a‘yân zahrü’l-akrân İsmail Çelebi b. merhûm Bekir Çelebi nâm kimse dünyâ-yı deniyyenin fâni âhiretin ise bâkī olduğunu idrâk ettiğinde meclis-i şer‘a hâzır olup âti’z-zikr vakfına tescîl maksadıyla mütevellî nasbettiği Yahya Bey b. ( ) nâm kimse mahzarında şöyle ikrâr ve i‘tirâf etti ki, işbu vakıf ikrârının kendisinden sudûruna kadar mâliki olduğu ve taht-ı tasarrufunda bulundurduğu, İbn Meddâs mahallesinde vâki‘, hudûdu bir tarafından Âişe Hatun bt. Abdullah mülkü, bir tarafından Kara Mehmed Vakfı, bir tarafından tarîk-ı âm ve Hüseyin vakfı ile mahdûd bulunan, iki kısma münkasim olup, kısm-ı evveli mahmiye-i Kostantıniyye hısnı ebvâbından Unkapanı kurbünde, diğeri mahalle-i mezbûre müezzinine meşrûta hucurât kurbünde bulunan, kısm-ı evveli muhavveteyni hâvî, muhavvata-i hâriciyesi tek kat olup üç bâb hâneyi, sofa-i sagīrayı, kameriyeyi müştemil, muhavvata-i dâhiliyesi iki büyük fevkānî hâneyi, iki büyük sofayı, mütelâsık altı odayı, bunların altında ahırı müştemil bulunan menzilini vakf ve habsetti… Vâkıf-ı mezbûr sonra menzil-i mezkûrunu tescîl maksadıyla mütevellî nasbettiği kimseye teslîm eyledi. O dahi tesellüm edip sâir mütevellîler evkāfda nasıl tasarruf ettiler ise öyle tasarruf etti. Vâki‘ ikrâr mütevellî-yi mezbûr tarafından vicâhen ve şifâhen tasdîk edildi. Emr-i vakf-ı mezbûr vech-i mastûr üzere tamâm olduğunda vâkıf-ı mezkûr İmâm-ı a‘zam Ebû Hanîfe katında vakfın adem-i lüzûmuna mütemessiken vakfiyyetten rücû‘ edip menzilin mülk-i sahîhine ilhâkını talep ve istirdâd eyledi. Mütevellî, imâmeyn-i hümâmeynin re’ylerine tevfîkan redden imtinâ‘ edince hâkim-i muvakki‘ü’l-kitâb huzûrunda murâfa‘a edip tarafeynden hüküm taleb ettiklerinde hâkim-i mûmâ-ileyh, cânib-i vakfı ihtiyâr edip menzil-i merkūmun vakfiyetinin lüzûmuna -âlimen bi’l-hilâf beyne’l-eimmeti’l-eşrâf- hükmetmekle vakf-ı mezbûr müseccel, müebbed bir vakıf olarak bi’l-ittifâk evkāf-ı lâzimeden oldu. Fe-men beddelehû ba‘de mâ-semi‘ahû fe-innemâ ismühû ale’llezîne yübeddilûnehû inna’llâhe semî‘un alîm. Ve ecrü’l-vâkıf ale’l-hayyi’l-cevâdi’l-kerîm. Tahrîren fî-evâsıtı Cemâziyelâhire li-sene selâsîn ve elf. Şühûdü’l-hâl: Mehmed Efendi el-müderris bi-ihda’l-medâris’s-semân, Mehmed Efendi el-müderris eş-şehîr bi-Siyâmîzâde, Mehmed Efendi b. eş-Şeyh Nasûh el-kādî, Seyyid Mustafa b. Seyyid Zeynelâbidin el-Bursevî, Şeyh Memi b. Pîr Ahmed el-vâ‘iz bi-mahalleti Kasımpaşa, Mehmed Çelebi eş-şehîr bi-Zevvâkzâde?, el-Hâc Osman b. Cihan el-Germiyanî, el-Hâc Receb b. Mehmed, Osman Çavuş birader-i Murad Efendi ed-Defterî, Yusuf Çavuş b. Murad Efendi, Abdullah Halîfe b. İbrahim, Yusuf Bey b. Abdullah, Hüseyin Bey b. Abdullah, el-Hâc Ali b. Mehmed el-müezzin, Hüseyin b. Pîr Ahmed, Mustafa Çavuş eş-şehîr bi-Canikîzâde, Mustafa Çelebi b. Yusuf, el-Hâc Mustafa, İbrahim b. Mehmed el-müderris, Ebû Zeyd el-Mağribî, Mehmed b. Hüseyin el-cündî, Mehmed b. Yahya, Mehmed b. Mustafa, Abdi Efendi el-imâm bi’l-mahalleti’l-mersûme