Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 383 Hüküm no: 332 Orijinal metin no: [106b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pazarbaşı Ahmed b. Abdi’nin vazgeçmesi üzerine evin el-Hac İsmail’e kiralandığı Vech-i meşrûh üzere menzil-i mezbûra mutasarrıf olan Ahmed b. Abdi menzil-i mezbûrun hakk-ı tasarrufundan hüsn-i ihtiyârıyla fâriğ olup işbu fahrü’l-akrân el-Hâc İsmail b. Abdülmennan tâlib olup merkūm Ahmed’in icâre-i mu‘accelesini ve harc-ı lâzımesini bî-kusûr verip ve vakıf için beş yüz akçe icâre-i mu‘accele dahi verip mezbûr Ahmed’in alâkası kalmadığı ecilden mezkûr el-Hâc İsmail’in üzerine kayd olundu. Ba‘de’l-yevm her ne ki binâ ve ihdâs ederse kimesne mâni‘ olmayıp ettiği binâ vakfın olup harc u sarf olunan meblağ vakfda mezkûr Hacı İsmail’in icâre-i mu‘accelesine mahsûb olunmak üzere izin ve temessük taleb etmeğin işbu hurûf li-ecli’t-temessük ketb olunup yedine vaz‘ olundu ki vakt-i hâcetde lâzım ola. Tahrîren fî-evâili şehri Rebî‘i’l-âhir li-sene seb‘a ve ışrîn ve elf. Mine’l-fakīr Hasan el-mütevellî.