Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 99 Hüküm no: 18 Orijinal metin no: [3a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmekçi Bağdasar v. Körki’nin ortağı Yakob v. Marat’taki alacağını tahsil ettiği Ekmekçi tâifesinden Bağdasar v. Körki nâm Ermeni meclis-i şer‘-i hatîr-i lâzımü’t-tevkīrde işbu bâ‘isü’s-sifr Yakob v. Marat nâm Ermeni muvâcehesinde bi tav‘ihî ikrâr ve takrîr-i kelâm edip merkūm Yakob ile ekmekçilik san‘atında şerîkler olup fesh-i akd-i şirket ettiğimizde merkūm Yakob zimmetinde sermâye olan malımdan iki yüz elli kıt‘a riyâlî guruşum kalmışidi hâlâ meblağ-ı mezbûr iki yüz elli kıt‘a riyâlî guruşumu mezbûr Yakob yedinden tamâmen ahz u kabz eyledim, min ba‘d asl-ı mâlımdan ve fâidesinden merkūm Yakob’un zimmetinde bir akçe ve bir habbe hakkım ve alacağım bâkī kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ min şehri Rebî‘ilâhir li sene seb‘a ve seb‘în ve elf. Şuhûdü’l-hâl: Mehmed Çelebi b. Ali Kethüdâ-yı Habbâzân, İbrahim Bey b. Ali Salcı, el-Hâc Mustafa b. Abdullah, Bâli Beşe b. Mustafa ve gayruhüm mine’l-huzzâr.