Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 583 Hüküm no: 527 Orijinal metin no: [169b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayas Paşa’nın Vize’deki mülklerinin vakfiyesi Mâ-zübire fî hâzihi’l-vesîkati’ş-şer‘iyye ve’s-sahîfeti’d-dîniyye mine’l-vakfi ve şerâitihî ve’l-habsi ve zavâbitihî vaddaha ledeyye ve sahha beyne yedeyye ve innî kadaytü bi-lüzûmihî fî-husûsihî ve umûmihî mürâ‘iyen li-mâ-yecibü mürâ‘âtühû ale’l-hükkâm fi’t-tescîl ve’l-ahkâm ve ene ez‘afü ibâdi’l-bârî Mehmed b. Ali el-Fenârî el-Kādî bi-asâkiri’l-muzaffere el-mensûre fî-vilâyeti Rumeli el-ma‘mûre -ufiye anhüm ecma‘în- Lemmâ tâle‘tü mâ tezammene hâze’l-kitâb ve’ştemele aleyhi metâvîhi ve’t-tala‘tü alâ-cemî‘i mâ-cerâ fîhi fî-esnâi fehâvîhi muvâfıkan li-sirâ‘i’l-kavîm ve’n-nehci’l-müstakīm mâ-fîhi kabiltühû ve ertezaytühû ve ene’l-fakīr ilâ-inâyeti’l-meliki’s-samed Sinânüddin b. Mehmed el-Kādî bi’l-askeri’l-mansûr bi-vilâyeti Anadolu -ufiye anhüm- Ammâ ba‘d, fe-inne’llâhe ta‘âlâ izâ erâde bi-mülkin hayran kesîran vellâ aleyhi meliken basîran yehfezu’l-ibâde ve yahme’l-bilâd. Hazreti Ayas Paşa b. Mehmed meclis-i şer‘-i şerîfe hâzır olup işbu vakıf ikrârının kendisinden sudûruna kadar mâliki olduğu ve taht-ı tasarrufunda bulundurduğu, kazâ-yı Vize’de, Altıgözeci karyesi ile birlikte hudûdu Viranpınarı’na, ağaçlara, Güngörmez pınarı’na Taşlık nehrine, Ilıklı nehrine, Ergene nehrine, Kayaoyuk’a, sınır taşına, Yuvalı karyesi tarafındaki hudûd taşına, Dumanlıca karyesi kurbündeki Pürçek pınarı’na, Sefercel vâdisine, Bahçederesi’ne, Doğancı karyesi dağ yoluna müntehî bulunan Gündoğmuş mezra‘asını ve yine kazâ-yı mezbûrede vâki‘, Dumanlıca karyesini ve Mahmud Bey köyü mezra‘asını, yine kazâ-yı mezbûrede vâki‘ Doğancı karyesini, Haplu ve Gündüklü karyelerini … niyet-i sâfiye ve taviyyet-i vâfiye üzere habs ve vakfetti. Kurâ ve mezâri-i mezbûreyi tescîl maksadıyla mütevellî nasbettiği kimseye teslîm etti. O dahi tesellüm edip sâir mütevellîler evkāfda nasıl tasarruf ettiler ise öyle tasarruf eyledi. Mütevellî-i mezbûr vâki‘ ikrârı vicâhen ve şifâhen tasdîk etti. Emr-i vakf-ı mezbûr vech-i mastûr üzere tamâm olduğunda vâkıf-ı mezkûr İmâm a‘zam Ebu Hanîfe katında vakfın adem-i lüzûmuna mütemessiken vakfiyyetten rücû‘ edip hadîkanın mülk-i sahîhine ilhâkını talep ve istirdâd eyledi. Mütevellî, imâmeyn-i hümâmeynin re’ylerine tevfîkan redden imtinâ‘ edince hâkim-i muvakki‘ü’l-kitâb huzûrunda murâfa‘a edip tarafeynden hüküm taleb ettiklerinde hâkim-i mûmâ-ileyh, cânib-i vakfı ihtiyâr edip menzil-i merkūmun vakfiyetinin lüzûmuna -âlimen bi’l-hilâf beyne’l-eimmeti’l-eşrâf- hükmetmekle vakf-ı mezbûr müseccel, müebbed bir vakıf olarak bi’l-ittifâk evkāf-ı lâzimeden oldu. Fe-men beddelehû ba‘de mâ-semi‘ahû fe-innemâ ismühû ale’llezîne yübeddilûnehû inna’llâhe semî‘un alîm. Ve ecrü’l-vâkıf ale’l-hayyi’l-cevâdi’l-kerîm. Cerâ zâlike ve hurrire fî evâsıtı şehri Recebi’l-mürecceb el-münharit min şühûri sene isneteyn ve selâsîn ve tis‘a mi’e min hicreti men lâ nebiyye ba‘deh salla’llâhü ta‘âlâ aleyhi ve alâ-âlihî ve sahbihi’llezîne vâfû ahdeh. Şühûdü’l-hâl: Sadrü’l-vüzerâil-izâm bedrü’l-küberâi’l-fihâm Hazreti İbrahim Paşa b. Yunus Bey el-vezîrü’l-a‘zam, hazreti Mustafa Paşa, Defterdâr İskender, Defterdâr Ahmed b. Mahmud, Seydi Bey b. Hayreddin ve müharrirü’l-hurûf Mehmed b. Kara Üveys el-muhzır