Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 593 Hüküm no: 534 Orijinal metin no: [174a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haremeyn Evkafı’na ait Antalya’daki bahçenin Müderris Hasan Efendi’ye kiraya verilmesi Dârüssaâde Ağası ve Haremeyn Evkāfı nâzırı olan hazret-i İdris Ağa b. Abdülmennan meclis-i şer‘de bâ‘isü hâze’l-kitâb Hasan Efendi nâm müderris mahzarında ikrâr edip evkāf-ı mezbûreden olup vilâyet-i Anadolu’da Antalya kazâsında Karabina nâm mevzi‘ kurbünde vâki‘ ma‘lûmü’l-hudûd bahçe evkāf-ı mezbûre tarafından kimesne tasarrufunda olmamağın ba‘de’l-müzâyede beher sene yedi yüz akçe icâre-i müeccele ile bin akçede mezbûr Hasan Efendi üzerinde karâr etmeğin nezâretim hasebiyle mezbûr Hasan Efendi’ye bin akçe icâre-i mu‘accele ve beher sene yedi yüz akçe müeccele ile îcâr ettim, ol dahi istîcâr ve kabûl ettikden sonra gıbbe’t-tasdîk bi’t-taleb ketb olundu. Tahrîren fî-evâsıtı Muharrem sene tis‘a ve selâsîn ve elf. Şühûdü’l-hâl: Abdülhalim Çelebi b. Mehmed, Ali Bey b. Abdullah el-bevvâb, Mehmed Çelebi b. Muharrem el-bevvâb, Mehmed Çelebi b. Murad el-kâtib.