Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 602 Hüküm no: 544 Orijinal metin no: [176b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gülahmer bt. Abdullah tarafından vakfedip Haremeyn Vakfı’na intikal eden evin Osman Beşe b. Sefer’e kiraya verilmesi Haremeyn mütevellîsi İsmail Çelebi meclis-i şer‘de bâ‘isü hâze’l-kitâb Osman Beşe b. Sefer mahzarında ikrâr edip mahmiye-i Galata hâricinde kasaba-i Tophane’de Müeyyedzâde mahallesinde sâkine Gülahmer bt. Abdullah nâm hatun hâl-i hayâtında mahalle-i mezbûrede vâki‘ bir tarafdan el-Hâc Mustafa mülküne ve bir tarafdan el-Hâc Hasan mülküne ve bir tarafdan müezzine meşrût menzile ve bir tarafdan tarîk-i hâssa müntehî olup bir bâb beyt-i süflî ve bir beyt-i ulvî ve bir sofa ve kîlâr ve bi’r-i mâ ve kenîf ve muhavvatayı müştemil menzilini vakf edip süknâsını evvelâ nefsine ba‘dehû utekāsına ba‘dehû Medîne-i Münevvere fukarâsına şart etmekle meşrûtün-lehüm bi’l-külliye münkarız olup Medîne’ye âid olmağın tevliyyetim hasebiyle menzil-i mezbûru mezbûr Osman Beşe’ye sekiz bin akçeye îcâr ettim, ol dahi meblağ-ı merkūm sekiz bin akçe ve beher şehr yirmi beş akçe ücret-i müeccele ile kabûl etmeğin mâ-vaka‘a bi’t-taleb ketb olundu. Tahrîren fî-evâili Rebî‘i’l-evvel li-sene tis‘a ve selâsîn ve elf. Şühûdü’l-hâl: Mirza Bey b. Kemal el-bevvâb, İsmail Çelebi b. Mahmud, el-Hâc Mustafa b. Hüseyin ve Mehmed b. Muharrem, Rıdvan b. Murad.