Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 613 Hüküm no: 556 Orijinal metin no: [179M/a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haremeyn Evkafı reayasından Haçik v. Mogumşah’ın boşadığı karısı Benar bt. Vartan’daki eşyalarını alması Mahmiye-i Galata mazâfâtından kasaba-i Beşiktaş’a tâbi‘ karye-i Kuruçeşme sâkinlerinden olup Haremeyn-i Şerîfeyn Evkāfı re‘âyâsından Haçik v. Mogumşah nâm Ermeni meclis-i şer‘-i şerîf-i enverde zevce-i mutallakası Benar bt. Vartan nâm Ermeniye tarafından tasdîk-i âti’l-beyâna vekîl olup bimâ hüve tarîku’s-sübût şer‘an vekâleti sâbite olan babası mezbûr Vartan muvâcehesinde ikrâr-ı tâm ve takrîr-i kelâm edip müvekkile-i mezbûreyi talâk-ı bâyin ile tatlîk ettiğimde yedinde bir kebîr ve iki sagīr sîm hamâyil ve on beş dirhem bilezik ve bir alaca bogasi kuşak ve Londra çukadan bir mor ferâcem yedinde bâkī kalmışdı, el-hâletü hâzihî eşyâ-i mezbûreyi müvekkile-i mezbûre yedinden tamâmen ahz u kabz edip müvekkile-i mezbûrenin husûs-ı mezbûra müte‘allik da‘vâ ve talebden zimmetini ibrâ ve ıskāt ettim dedikde gıbbe’t-tasdîki’ş-şer‘î bi’t-taleb ketb olundu. Tahrîren fî-evâsıtı Cemâziyelâhire li-sene tis‘a ve selâsîn ve elf. Şühûdü’l-hâl: es-Sâbıkūn.