Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 614 Hüküm no: 558 Orijinal metin no: [179M/a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haremeyn-i Muhteremeyn Evkafı reayasının kethüdası olan Marat v. Masarşah’ın Baner vt. Bartan’dan cerime tahsili Kasaba-i Beşiktaş nâhiyesine tâbi‘ Kuruçeşme’de sâkin olan Haremeyn-i Muhteremeyn Evkāfı re‘âyâsı üzerlerine kethüdâ olan Marat v. Masarşah nâm Ermeni meclis-i şer‘-i şerîf-i lâzımü’t-tevkīrde hâfızetü hâze’l-kitâb Baner vt. Bartan nâm Nasrâniye mahzarında tarafından âti’l-beyânı tasdîke vekîl olup nehc-i şer‘î üzere vekâleti sâbite olan babası mezbûr Bartan muvâcehesinde takrîr-i kelâm edip bundan akdem mezbûr Bartan sulbiye kızı ve müvekkilesi merkūme kızını Haçik v. Mogumşah nâm Ermeniye tezevvüc ettikde kırk günden sonra veledi zuhûra gelip kanun üzere cerîmeye müstahıkka olmağla da‘vâ ettim, el-hâletü hâzihî lâzım olan cerîmesini vekâletim hasebi ile vekîl-i mezbûr Bartan yedinden ahz u kabz edip husûs-ı mezbûra müte‘allik da‘vâdan zimmetini ibrâ ettim dedikde gıbbe’t-tasdîk vicâhen mâ-hüve’l-vâkı‘ bi’t-taleb ketb olundu. Şühûdü’l-hâl: es-Sâbıkūn.