Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 108 Hüküm no: 32 Orijinal metin no: [4b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Apostol v. Yani’nin, Yani v. Toka’ya olan borcu için mühlet istediği Mahmiye-i İstanbul’da Mumcu tâifesinden Apostol v. Yani nâm zimmî meclis-i şer‘-i hatîr-i lâzımü’t-tevkīrde tâife-i mezbûreden işbu bâ‘isü’l-kitâb Yani v. Toka nâm zimmî muvâcehesinde ikrâr ve i‘tirâf edip cihet-i deyn-i şer‘îden mezbûr Yani’ye on yedi bin fıddî râyic fi’l-vakt akçe deynim olup meblağ-ı mezbûru def‘aten edâya iktidârım olma[ma]mdan nâşî te’cîle tâlib olduğumda mezbûr Yani dahi târih-i kitâbdan üç yüz altmış gün tamâmına değin te’cîl etmekle zikr olunan on yedi bin mezbûrü’n-na‘t akçe zimmetimde ber vech-i muharrer müeccel ve mev‘ûd mezbûr Yani’ye lâzımü’l-edâ ve vâcibü’l-kazâ deynimdir dedikde, mukırr-ı mezbûr Apostol’ü vech-i mübeyyen üzre cârî ve sâdır olan ikrârında el-mukarru lehü’l-mezbûr Yani vicâhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min şehri Rebî‘ilâhir li sene seb‘a ve seb‘în ve elf. Şuhûdü’l-hâl: Mustafa Çavuş b. Abdullah, Ömer b. Abdullah Kethüdâ-yı mumcuyân, Veli b. Mahmud, Mehmed Çelebi b. Abdullah, İbrahim Çelebi b. Mehmed.