Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 633 Hüküm no: 579 Orijinal metin no: [185a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Kethüdâ b. Süleyman’ın istiğlâl yoluyla el-Hac Mahmud b. el-Hac Yusuf’tan ödünç aldığı Dâhil-i mahrûse-i Galata mahallâtından Okçu Musa mahallesinde sâkin Ali Kethüdâ b. Süleyman nâm kimse meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzır olup şöyle ikrâr ve i‘tirâf etti ki, işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, hudûdu bir tarafından Murad mülkü, bir tarafından Hasan Hoca mülkü, bir tarafından Hasnâ Hatun mülkü, bir tarafından tarîk-ı âmma müntehî olan cemî‘ menzilini cümle tevâbi‘i ve levâhıkıyla râyicü’l-vakt seksen beş bin akçe-i Osmanî semen-i mu‘ayyen-i makbûzla hâmil-i hâze’l-kitâb el-Hâc Mahmud b. el-Hâc Yusuf’a bey‘ etti. O dahi kendi malıyla ve istiğlâl makadıyla menzil-i mezkûru iştirâ eyledi. Bâyi‘-i mezbûrun istîcârı üzere müşterî-yi merkūm menzil-i mesfûru zeyilde mezkûr tarihden bir sene tamâmına sekiz bin beş yüz akçe ücret-i kirâ ile icâreye verdi. Vâki‘ ikrâr mukarrun-lehü’l-mezbûr tarafından vicâhen ve şifâhen tasdîk edildi. Cerâ zâlike ve hurrire fî-evâili şehri Ramazâni’l-mübârek li-sene sitte ve tis‘în ve tis‘a mi’e. Şühûdü’l-hâl: Mustafa Çelebi el-imâm, Piyâle Bey b. Abdullah, Mustafa Çavuş b. Abdullah, Hasan Bey b. Abdullah el-cündî, Yakub Efendi el-imâm, Ahmed Çavuş b. Abdullah ve gayrühüm