Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 44 Hüküm no: 5 Orijinal metin no: [3-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bedri Paşa’nın Medine’de vefat eden azat ettiği cariyesi Nezaket Kadın’a ait terekeyi almak üzere Rıfat Bey’i vekil tayin etmesi Kādızâde Mehmed, nasb-ı vekîl Numara: 24, 40 guruş Medîne-i Hazret-i Ebî Eyyûb el-Ensârî civârında Câmi‘-i Kebîr mahallesi ahâlisinden Dersaâdet Zahîre Gümrüğü nâzırı işbu bâ‘isü’l-kitâb sa‘âdetlü Bedri Paşa b. Mustafa Sami m. Medîne-i Münevvere Hazîne-i Dîvâniye muhâsebecisi izzetlü Rıfat Bey b. Ahmed Râtıb mahzarında ikrâr ve takrîr-i kelâm edüp yedimde rıkka münkāde câriye-i memlûkem olduğu hâlde bundan akdem âzâd ve i‘tâk edüp Medîne-i Münevvere’de mücâvereten sâkine iken bundan akdem vefât eden Nezaket Kadın bt. Abdullah’ın Medîne-i Münevvere beytü’l-mâl memûru tarafından tahrîr olunan terekesinin esmânı olup Hazîne-i Celîle-i Nebeviye’de mahfûz olan dokuz yüz elli guruş min-ciheti’l-mevlâ hasren bana mevrûs olmağla meblağ-ı merkūmu mahâllinde vâzı‘ü’l-yed olanlardan taleb ü da‘vâ ve ahz ü kabza ve makbûzunu Medîne-i Münevvere’de fukarâ ve muhtâcîne tasadduk ve ihdâya ve bir kıt‘a defterini tanzîm ve bana irsâl ve îsâle ve husûs-ı mezkûr mütevakkıf olduğu umûrun küllîsine mûmâ-ileyh Mehmed Rıfat Bey’i tarafımdan vekâlet-i mutlaka-i sahîha-i şer‘iye ile vekîl ve nâib-i menâb nasb ü ta‘yîn eyledim dedikde ol dahi vekâlet-i mezkûreyi kabûl ve merâsimini kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 11 Şa‘bân sene [1]300 Şühûd: ( ).