Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 46 Hüküm no: 7 Orijinal metin no: [3-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin adlı çocuğun ev hissesinin satışı için vasisi Emetullah Hanım’a izin verilmesi [Bu şerhin ait olduğu hüküm belli değil.] Derûn-ı hüccetde ismi mezkûr sagīr Mehmed Emin’in derûn-ı hüccetde muharrer menzilden rub‘ hisse-i şâyi‘ası mesâğ-ı şer‘îye binâen lede’l-müzâyede beher yüzlük evrâk-ı nakdiye yüz otuz guruş hesâbıyla bin iki yüz elli guruş mukābelesinde âhara ferâğa iki yüz doksan dört senesi Şevvâli’l-mükerreminin yirmi dördüncü günü târihiyle vasiyyesi Emetullah Hanım’a kıbel-i şer‘den izin i‘tâ olunmuş ise henüz senedâtça ferâğı icrâ olunamadığından ve meblağ-ı merkūm bin iki yüz elli guruş karârnâme mûcebince dört yüzlük kāime bir lira-yı Osmânî hesâbıyla iki yüz on iki buçuk guruş olarak Mâliye Hazîne-i Celîlesi’nden ikrâz olunduğu müstakrazât-ı harbiye defterinde mukayyed olunduğu bu def‘a Meclis-i Eytâm Emvâl Şu‘besi’nden vârid olan bir kıt‘a ilmühaberden nümâyân olmağla sagīr-i mezbûrun rub‘ hisse menzil-i mezkûrunu meblağ-ı merkūm iki yüz on iki buçuk guruş mukābelesinde âhara ferâğa kıbel-i şer‘den vasiyye-i mezbûreye izin verildiği işbu mahalle şerh verildi. Fî 1 Şa‘bân sene [1]300