Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 47 Hüküm no: 9 Orijinal metin no: [4-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâhir Ağazâde Seyyid Mehmed Emin Efendi Vakfı katibi Seyyid Abdullah Tevfik’in kitabet görevini yapmak üzere Seyyid Ebûbekir Efendi’yi vekil tayin etmesi Sıddık Numara: 97, 40 guruş Nasb, vekîl Nezâret-i Haremeyn-i Muhteremeyn’e mülhak evkāfdan Tâhir Ağazâde merhûm es-Seyyid Mehmed Emin Efendi Vakfı’nın kitâbet cihetine bâ-berât-ı âlî mutasarrıf olan Haremeyn-i Muhteremeyn pâyelülerinden fazîletlü es-Seyyid Abdullah Tevfik b. es-Seyyid Ahmed m. Mahkeme-i Teftîş ketebesinden es-Seyyid Ebûbekir Efendi b. es-Seyyid Mehmed Emin mahzarında ikrâr ve takrîr-i kelâm edüp vakf-ı mezkûrun kitâbet ciheti uhdemde olup ancak ben müsin ve ihtiyâr olduğumdan vakf-ı mezkûrun kitâbet hizmetini rü’yete ve vakf-ı mezkûrun musakkafât ve müstegallâtından vukū‘ bulan ferâğ ve intikālât ve mahlûlât harçlarından kitâbet hissesini memûru yedinden ahz ü kabza ve makbûzunu bana i‘tâya ve husûs-ı mezkûr mütevakkıf olduğu umûrun küllîsine tarafımdan mûmâ-ileyh es-Seyyid Ebûbekir Sıddık Efendi’yi vekâlet-i mutlaka-i sahîha-i şer‘iye ile vekîl nasb ü ta‘yîn eyledim dedikde ol dahi vekâlet-i mezkûreyi kabûl ve hizmet-i lâzımesini kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 22 Şa‘bân sene [1]300 Şühûd: ( ) ve gayruhum.