Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 64 Hüküm no: 25 Orijinal metin no: [14-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Rıza Efendi’nin vefatıyla küçük çocukları Kemal ve Osman için anneleri Cemile Hanım’ın vasi tayin edilmesi Mustafa Mehdi, nasb-ı vasî Hudâvendigâr-ı esbak cennet-mekân Gāzi Sultan Ahmed Hân-ı evvel -tâbe serâhû- hazretlerinin evkāf-ı şerîfeleri musakkafâtından İstanbul’da vâki‘ câmi‘-i şerîfleri kurbünde Kabasakal mahallesinde sâkin iken bundan akdem vefât eden postahâne veznedârlarından Ali Rıza Efendi b. Hakkı’nın sulbî sagīr oğulları Kemal ve Osman’ın vakt-i rüşd ü sedâdlarına değin tesviye-i umûrlarına kıbel-i şer‘den bir vasî nasbı lâzım ve mühim olmağın emîne ve müstakīme ve her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn haberleriyle zâhir ve mütehakkık olan sagīrân-ı mezbûrânın vâlideleri zâtı ta‘rîf-i şer‘î ile mu‘arrefe işbu bâ‘isetü’l-kitâb Cemile Hanım bt. Abdullah sagīrân-ı mezbûrânın vakt-i rüşd ü sedâdlarına değin tesviye-i umûrlarına vasî nasb ü ta‘yîn olundukda ol dahi vesâyet-i mezkûreyi kabûl ve hizmet-i lâzımesini kemâ-yenbagī edâya ta‘ahhüd ve iltizâm eylediğini Teftîş-i Evkāf Mahkemesi beytü’l-mâl kassâmı fazîletlü efendi inhâ etmeğin mâ-vaka‘a bi’t-taleb ketb olundu. Fî 15 Şevvâl sene [1]300 Şühûd[ü’l-hâl]: Ömer Ağa b. Abdulkadir, Muhzır Mehmed Ağa b. Mustafa ve gayruhum.