Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 65 Hüküm no: 27 Orijinal metin no: [14-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Vâlide Sultan Cami’i kayyumu Mehmed Tevfik Efendi’nin hastalığından dolayı görevini yapmak üzere Hafız Hamdi’yi vekil tayin etmesi Subhi, nasb-ı vekîl Numara: 355, 40 guruş Mahmiye-i İstanbul’da Bağçekapısı nezdinde vâki‘ merhûme ve mağfûrun-lehâ Hadice Vâlide Sultan -tâbe[t] serâhâ- hazretleri câmi‘-i şerîfi kayyumlerinden Mehmed Tevfik Efendi b. Osman m. câmi‘-i müşârün-ileyhâ hademesinden işbu bâ‘isü’l-kitâb Hafız Hamdi b. Mehmed mahzarında ikrâr-[ı tam] ve takrîr-i kelâm edüp câmi‘-i şerîf-i müşârün-ileyhânın kayyum ve serrâcî cihetleri benim bâ-berât-ı âlî uhdemde olup ancak bir müddetden berü vücûduma sar‘a illeti ârız olduğundan ciheteyn-i mezkûreteyn hizmetlerini îfâ etmek üzere tarafımdan mûmâ-ileyh Hafız Hamdi Efendi’yi vekîl nasb ü ta‘yîn eyledim dedikde ol dahi vekâlet-i mezkûreyi kabûl ve hizmet-i lâzımelerini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 25 Za sene 1301 Şühûdü’l-hâl: Kayyum-i sâlis İsmail Efendi b. Ali, Kayyum-i sânî Halil Hamdi Efendi [b.] Eyüb.