Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 118 Hüküm no: 73 Orijinal metin no: [50-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Rıfat Efendi’nin İzmir’de tasarrufunda olan kahvehanenin bir bölümünü ayırarak satması için Suyolcuzâde Ahmed Râşid Efendi’ye vekâlet vermesi Kādızâde Mehmed, nasb-ı vekîl Numara: 33, 40 guruş Defter-i Hâkānî Cem‘iyet-i Tedkīkiye a‘zâsından ve umûm evkāf-ı mülhaka mütevellî vekîllerinden işbu bâ‘isü’l-kitâb es-Seyyid el-Hâc Ahmed Rıfat Efendi b. el-merhûm es-Seyyid el-Hâc Mehmed Derviş m. ikrâr ve takrîr-i kelâm edüp Hazîne-i Haremeyn-i Muhteremeyn’den mazbût evkāfdan Köprülüzâde Fazıl Ahmed Paşa Vakfı musakkafâtından İzmir’de Hân-ı Kebîr tahtânîsinde senevî elli guruş icârelü bir bâb sedli kahvehâne benim bâ-temessük-i mütevellî bi’l-icâreteyn taht-ı tasarrufumda olmağla ben kahvehâne-i mezkûrenin sekiz zirâ‘ mu‘ayyen mahâllini bi’l-ifrâz nef‘an li’l-vakf müceddeden icâre-i müeccele ta‘yîn ve bedel-i misliyle bâ-re’y-i mütevellî ferâğa tâlibine ve bedelini ahz ü kabza ve makbûzunu bana irsâl ve îsâle ve husûs-ı mezkûr mütevakkıf olduğu umûrun küllîsine tarafımdan İzmir’de vâki‘ Tilkilik nâm mahâlde sâkin Suyolcuzâde Ahmed Râşid Efendi b. el-Hâc Mehmed’i gıyâbında kabûlüne mevkūfe vekâlet-i mutlaka-i sahîha-i şer‘iye ile vekîl nasb ü ta‘yîn eyledim dedikde mâ-vaka‘a bi’t-taleb ketb olundu. Fî 2 Muharrem sene 1300 Şühûdü’l-hâl: Es-Seyyid Mehmed Efendi b. Ali Şükrü, Ketebeden el-Hâc Esad Efendi b. Mustafa ve gayruhum.