Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 110 Hüküm no: 119 Orijinal metin no: [27b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Selim Efendi’nin Adalar nahiyesi naipliğine atandığı Yâ Fettâh, yâ Rezzâk, yâ Hâfız ve yâ Mu‘în, yâ Ganî Umdetü’l-müderrisîni’l-kirâm sa‘âdetlü Yaşmakçızâde es-Seyyid Mehmed Selim Efendi el-mu‘azzez. Ba‘de’t-tahiyyeti’l-vâfiye inhâ olunur ki ber-vech-i mansıbiyet mutasarrıf olduğumuz medîne-i Üsküdar kazâsı mülhakātından Adalar nâhiyesinin niyâbeti işbu sene isnâ ve semânîn ve mi’ete ve elf sene-i mübârekesi Rebî‘ülâhir gurresinden cenâbınıza tefvîz ve sipâriş olunmuşdur lede’ş-şerefi’l-vusûl nâhiye-i mezbûreyi gurre-i merkūmede zabt ve vâkı‘a olan kısmet-i askeriyeyi dahi tahrîr ve beyne’l-verese bi’l-farîzati’ş-şer‘iye tevzî‘ ve taksîm eyleyüp beyne’l-ahâlî icrâ-yı ahkâm-ı şer‘-i âlî eyleyesiz bâkī der-maslahat-ı dâ’im-bâd. Mine’l-muhlis el-fakīr Mehmed Arif el-kādı bi-medîneti Üsküdar