Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 145 Hüküm no: 99 Orijinal metin no: [66-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Asâkir-i Bahriye kolağalarından Ali Kaptan’ın vefatıyla çoçuklarına hanımı Zeliha Ganime Hanım’ın vasi tayin edilmesi Hudâvendigâr-ı esbak cennet-mekân Sultan Ahmed Hân-ı Evvel -tâbe serâhû- Hazretlerinin Evkāf-ı şerîfeleri beytü’l-mâl hudûdu dâhilinde Galata’ya muzâfe kasaba-i Kasımpaşa’da Yahya Kethudâ mahallesinde Yağhâne sokağında otuz sekiz numara ile murakkam bir bâb menzilde sâkin iken bundan akdem vefât eden Asâkir-i Bahriye kolağalarından Ali Kapudan b. Ahmed b. Abdullah’ın sulbî mürâhık oğlu İsmail Hakkı ve sulbî sagīr oğlu Osman ve sulbiye sagīre kızı Fâtımatü’z-zehra’nın vakt-i rüşd ü sedâdına değin tesviye-i emirlerine kıbel-i şer‘den bir vasî nasbı lâzım ve mühim olmağın emîne ve müstakīme ve her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn haberleriyle zâhir ve mütehakkık olan sagīrân-ı mezbûrânın vâlideleri ve mürâhık-ı mezbûrun üveyi vâlidesi işbu bâ‘isetü’l-kitâb Zeliha Ganime Hanım bt. Mehmed mürâhık ve sagīrân-ı mezbûrânın vakt-i rüşd ü sedâdlarına değin hıfz-ı emvâlleriyle tesviye-i emirlerine kıbel-i şer‘den vasî nasb ü ta‘yîn olundukda ol dahi vesâyet-i mezkûreyi kabûl ve hizmet-i lâzımesini kemâ-yenbagī edâya ta‘ahhüd ve iltizâm eylediğini Mahkeme-i Teftîş kassâmı fazîletlü Bahâî Efendi inhâ etmeğin mâ-vaka‘a bi’t-taleb ketb olundu. Fî 15 Muharrem sene [1]301 Şühûdü’l-hâl: ( )