Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 149 Hüküm no: 102 Orijinal metin no: [68-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın küçük oğlu Mehmed Kâzım Molla için nafaka tayin edilmesi Mustafa Zühdü, nafaka Numara: ( ), bilâ-harc Hudâvendigâr-ı esbak cennet-mekân Sultan Ahmed Hân-ı Evvel -tâbe serâhû- Hazretleri Evkāf-ı şerîfeleri beytü’l-mâlı hudûdu dâhilinde Galata’ya muzâfe kasaba-i Beşiktaş’da Teşvikiye mahallesinde sâkin bundan akdem vefât eden Saray-ı Hümâyûn İkinci Aşçıbaşısı Mehmed Ağa b. Mustafa’nın sulbî sagīr oğlu Mehmed Kâzım Molla’nın vâlidesi ve tesviye-i umûruna bâ-hüccet-i şer‘iye vasîyy-i mansûbesi işbu bâ‘isetü’l-kitâb Fâtımatü’z-zehra Hanım bt. Abdullah’ın talebiyle sagīr-i mezbûrun babası müteveffâ-yı mezbûrdan mevrûs mâlı nemâsından işbu târih-i vesîkadan kadr-ı ma‘rûf idiği bi’l-ihbâr zâhir olan şehriye yetmiş sekiz guruş kıbel-i şer‘den nafaka ve kisve-bahâ farz ve takdîr olunup meblağ-ı mefrûz-ı mezkûru sagīr-i mezbûrun nafaka ve kisve ve sâir levâzım-ı zarûriyesine harc ü sarfa ve lede’l-iktizâ istidâneye ve inde’z-zafer mâlı nemâsına rücû‘a vasîyy-i mezbûre Fâtımatü’z-zehra Hanım’a izin verildiğini Evkāf-ı Hümâyûn Mahkeme-i Teftîş Beytü’l-mâl kassâmı fazîletlü efendi inhâ etmeğin mâ-vaka‘a bi’t-taleb ketb olundu. Fî 25 Zilhicce sene [1]300 Şühûdü’l-hâl: Muhzırbaşı Ömer Ağa b. Abdulkadir, Muhzır Mehmed Ağa b. Abdullah ve gayruhum.