Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 116 Hüküm no: 45 Orijinal metin no: [6a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kerime Hatun bt. Mehmed’in boşandığı kocası Yusuf Beşe b. Osman’daki mehrini sulh yoluyla tahsil ettiği Medîne-i Üsküdar mahallâtından Yeni mahalle sâkinelerinden Kerime Hâtun bt. Mehmed meclis-i şer‘-i şerîf-i lâzımü’t-teşrîfde zevc-i sâbık-ı mutallıkı bâ‘isü’l-kitâb Yusuf Beşe b. Osman nâm kimesne mahzarında ikrâr ve takrîr-i kelâm edip mezbûr Yusuf Beşe târih-i kitâbdan iki sene mukaddem beni talâk-ı bâyin ile tatlîk etmeğin zimmetinde mütekarrir ve ma‘kūdun-aleyh olan üç bin akçe mehr-i müeccelimi bundan akdem mezbûr Yusuf Beşe’den taleb ve da‘vâ eylediğimde muslihûn tavassut edip merkūm Yusuf Beşe ile beynimizde dört yüz akçe üzerine inşâ-i akd-i sulh eylediklerinde ben dahi sulh-i mezbûru kabûl ve bedel-i sulh olan meblağ-ı mezbûr dört yüz akçemi mezbûr Yusuf Beşe yedinden ahz u kabz edip husûs-ı mezbûra ve zevciyyete müte‘allika âmme-i de‘âvîden ben mezbûr Yusuf Beşe’nin ve merkūm Yusuf Beşe dahi benim zimmetimi ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn min şehri Rebî‘ilâhir li sene seb‘a ve seb‘în ve elf Şuhûdü’l-hâl: Musa Beşe b. İbrahim el-Mübâşir, Mehmed Beşe b. Hüseyin, Mustafa Beşe er-Râcil, İbrahim Beşe b. ( ) er-Râcil, Abdi Çelebi b. Hüseyin