Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 193 Hüküm no: 142 Orijinal metin no: [94-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Kıbtî taifesinden Esad’ın çocuklarına intikal eden evin satılmasına izin verilmesi İbrahim, izin: 1 kıt‘a Numara: 185, 6 guruş Tashîh olundu (mühür) Mahmiye-i İstanbul’da Edirnekapısı dâhilinde Neslişah Sultan mahallesinde sâkin iken bundan akdem vefât eden Kıbtî tâifesinden Esad b. İslâm’ın sulbî sagīr oğlu Hüseyin ve sulbiye sagīre kızı Seher’in vâlideleri ve tesviye-i emrlerine bâ-hüccet-i şer‘iye vasîyy-i mansûbeleri olup zâtı Kısmet-i Askeriye Mahkemesi muhzırlarından Tosun Ağa b. Mehmed ve Mahkeme-i Teftîş muhzırlarından Mehmed Ağa b. Mustafa ta‘rîfleriyle mu‘arrefe olan işbu bâ‘isetü’l-vesîka Penbe Hatun bt. Rüstem bi’l-vesâye takrîr-i kelâm ve ta‘bîr ani’l-merâm edüp hudâvendigâr-ı esbak cennet-mekân Ebulfeth Sultan Mehmed Han -tâbe serâhû- hazretlerinin evkāf-ı şerîfeleri mülhakātından Kule-i Zemîn Vakfı müsakkafâtından mahalle-i mezbûrede Sulukule’de vâki‘ yüz otuz dört numara ile murakkam ma‘lûmü’l-hudûd ve’l-müştemilât beher şehr otuz akçe icâre-i müeccelelü bir bâb menzil <> müteveffâ-yı mezbûrun hayatında bâ-temessük-i mütevellî bi’l-icâreteyn taht-ı tasarrufunda olup ba‘de vefâtihî sagīrân-ı mezbûrân ile diğer sulbî sagīr oğlu İsmail’e hasbe’l-âde islâsen ba‘de’l-intikāl sagīr-i mezbûr İsmail’in dahi mu‘ahharan fevtiyle sülüsden sülüs hisse-i şâyi‘ası mahlûl ve cânib-i vakfa âid ve râci‘ olup lâkin menzil-i mezkûr ânen fe-ânen müşrif-i harâb olarak hâsılı harcına vefâ etmeyip bekāsı sagīrân-ı mezbûrân haklarında muzır ve gayr-ı müfîd olduğundan mâ‘adâ sagīrân-ı mezbûrânın nafaka ve kisveye dahi eşedd-i ihtiyâçları olmağla sagīrân-ı mezbûrânın menzil-i mezkûrda olan sülüsân hisse-i şâyi‘aları bedel-i misliyle bâ-re’y-i mütevellî âhara ferâğ ve bedeli ahz ü kabz birle i‘mâl ve istirbâh olunup hâsıl olan nemâsıyla infâk ve iksâ olunmak sagīrân-ı mezbûrân haklarında her vechile enfa‘ ve evlâ olduğuna binâen işbu yedimde olup hâlâ kassâm-ı askerî fazîletlü Mehmed Emin Efendi ile Üçüncü Dâire-i Belediye tarafından i‘tâ olunan memhûr bir kıt‘a tahmîn-i bedel pusulası mantûkunca sagīrân-ı mezbûrânın menzil-i mezkûrda olan sülüsân hisse-i şâyi‘aları bundan akdem lede’l-müzâyede ve ba‘de’l-keşf el-yevm bedel-i misli idiği bi’l-ihbâr zâhir olan lira-yı Osmânî yüz guruş hesâbıyla dört yüz guruş mukābelesinde bâ-re’y-i mütevellî âhara izin taleb şüd. Fî 17 Ra sene [1]301 Şühûdü’l-hâl: Ömer Ağa b. Mustafa, Mehmed Ağa b. Mustafa ve gayruhum.