Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 236 Hüküm no: 179 Orijinal metin no: [117-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sultan Abdülhamid Türbedarı Mehmed Halid Efendi’nin Bursa’ya giderken yerine Hüseyin Cevdet Efendi’yi vekil tayin ettiği Ali, nasb-ı vekîl Numara: 380, 40 guruş Mahmiye-i İstanbul’da Hoca Paşa kurbünde Hobyar mahallesinde sâkin Mehmed Halid Efendi b. el-Hâc Mustafa Vasıf b. Abdullah mahalle-i mezbûrede sâkin işbu bâ‘isü’l-kitâb Ankaravî Hüseyin Cevdet Efendi b. İsmail b. Hüseyin mahzarında ikrâr ve takrîr-i kelâm edüp Hazîne-i Haremeyn-i muhteremeynden mazbût evkāfdan cennet-mekân adn-âşiyân Sultan Abdülhamid Han -tâbe serâhû- hazretlerinin türbe-i şerîfelerinde türbedâr-ı evvel ciheti benim bâ-berât-ı âlî uhdemde olup ancak ben bu def‘a tebdîl-i hava zımnında üç mâh müddetle Bursa cânibine âzim olmamla ber-vech-i muharrer mutasarrıf olduğum cihet-i mezkûrenin hizmet-i lâzımesini hüsn-i îfâ etmek üzere mûmâ-ileyh Hüseyin Cevdet Efendi’yi tarafımdan vekâlet-i mutlaka-i sahîha-i şer‘iye ile vekîl nasb ü ta‘yîn eyledim dedikde ol dahi vekâlet-i mezkûreyi kabûl ve hizmet-i lâzımesini kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 29 Cemâziyelevvel sene [1]301 Şühûdü’l-hâl: Muhzır Ömer Ağa b. Abdulkadir, Muhzır Mehmed Ağa b. Mustafa ve gayruhum.