Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 252 Hüküm no: 195 Orijinal metin no: [125-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hatice Mevhibe Hanım’ın oğullarına nafaka tayini Mustafa Zühdü, nafaka Hudâvendigâr-ı esbak cennet-mekân Sultan Selim Hân-ı sâlis -tâbe serâhû- hazretleri evkāf-ı celîleleri müsakkafâtından Üküdar’a muzâfe Selîmiye mahallesinde sâkine iken bundan akdem vefât eden Hadice Mevhibe Hanım bt. el-Hâc Hüseyin Sabri Efendi’nin sadrî sagīr oğulları Hasan Fehmi ve Hüseyin Sabri mollaların babaları ve vekîlleri olup mahmûdü’l-hâl idiği ihbâr olunan işbu bâ‘isü’l-kitâb İsmail Hakkı Efendi b. Mustafa’nın talebiyle sagīrân-ı mezbûrânın vâlideleri müteveffât-ı mezbûreden mevrûs mâlları nemâsından işbu târih-i vesîkadan kadr-ı ma‘rûf idiği bi’l-ihbâr zâhir olan sîm mecîdiye on dokuz guruş hesâbıyla beherine on dört guruşdan cem‘an yirmi sekiz guruş kıbel-i şer‘den nafaka ve kisve-bahâ farz ve takdîr olunup meblağ-ı mefrûz-ı mezkûru sagīrân-ı mezbûrânın nafaka ve kisve ve sâir levâzım-ı zarûriyelerine harc ü sarfa ve lede’l-iktizâ istidâneye ve inde’z-zafer sagīrân-ı mezbûrânın mâlları nemâsına rücû‘a veliyy-i mezbûr İsmail Hakkı Efendi’ye izin verildiğini Mahkeme-i Teftîş-i Beytü’l-mâl Kassâmı fazîletlü Ahmed Bahâî Efendi inhâ etmeğin mâ-vaka‘a bi’t-taleb ketb olundu. Fî 23 Cumâdelâhire sene 1301 Şühûdü’l-hâl: Muhzır Mehmed Ağa b. Mustafa, Muhzır Ömer Ağa b. Abdulkadir ve gayruhum.