Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 272 Hüküm no: 215 Orijinal metin no: [135-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babası vefat eden İbrahim’in üzerine annesi Fatma Hanım’ın vasi tayini Mustafa Zühdü, nasb-ı vasî Merhûme ve mağfûrun-lehâ Bezmiâlem Vâlide Sultan -tâbe serâhâ- hazretlerinin İstanbul’da Yenibahçe’de kâin binâ ve ihyâ buyurdukları hastahânelerinde tedâvî olunmakda iken bundan akdem vefât eden Mısırlı Şerbetçi? el-Hâc Ali Ağa b. Süleyman’ın sulbî sagīr oğlu İbrahim’in vakt-i rüşd ve sedâdına değin tesviye-i umûruna kıbel-i şer‘den bir vasî nasbı lâzım ve mühim olmağın emîne ve müstakīme ve her vechile vesâyet uhdesinden gelmeye kādire idiği zeyl-i kitâbda muharrerü’l-esâmî Müslimîn haberleriyle lede’ş-şer‘i’l-enver zâhir ve mütehakkık olan sagīr-i mezbûrun vâlidesi işbu bâ‘isetü’l-kitâb zâtı ta‘rîf-i şer‘î ile mu‘arrefe Fatıma Hanım bt. Ali sagīr-i mezbûrun vakt-i rüşd ve sedâdına değin tesviye-i umûruna kıbel-i şer‘den vasî nasb ü ta‘yîn olundukda ol dahi vesâyet-i mezkûreyi kabûl ve hizmet-i lâzımesini kemâ-yenbagī edâya ta‘ahhüd ve iltizâm eylediğini Evkāf-ı hümâyûn Beytü’l-mâl Kassâmı fazîletlü Ahmed Bahâî Efendi inhâ etmeğin mâ-vaka‘a bi’t-taleb ketb olundu. Fî 5 Şa‘bân sene [1]301 Şühûdü’l-hâl: (°)