Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 133 Hüküm no: 69 Orijinal metin no: [10a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rabia Hatun bt. Hasan’ın boşandığı kocasına açtığı nafaka davasında sulh yolu ile anlaştığı Mahmiye-i İstanbul’da Nişancı Paşa-yı Atîk mahallesi sâkinelerinden Râbia Hâtun bt. Hasan meclis-i şer‘de zevc-i mutallıkı Mustafa b. Mehmed nâm kimesne mahzarında ikrâr edip mezbûr Mustafa’nın firâşından olup târih-i kitâba gelince hidânemde olan oğlum Süleyman nâm sagīrin yevmî beşer akçe nafaka-i mefrûza-i müstedânesinden târih-i kitâba değin yedi yüz yetmiş beş günde müctemi‘ olan üç bin sekiz yüz yetmiş beş akçeyi bundan akdem mezbûr Mustafa’dan taleb ve da‘vâ eylediğimde muslihûn tavassut edip merkūm Mustafa ile beynimizde üç bin akçe üzerine inşâ-i akd-i sulh ettiklerinde ben dahi sulh-i mezbûru kabûl edip bâkī sekiz yüz yetmiş beş akçeden mezbûr Mustafa’nın zimmetini ibrâ eyledim, bedel-i sulh-i mezbûr olan üç bin akçeden mâ‘adâ târih-i kitâba gelince sagīr-i mezbûr Süleyman’ın nafakasına müte‘allika mezbûr Mustafa ile da‘vâ ve nizâ‘ım yokdur dedikde gıbbe’t-tasdîki’l-vicâhî mâ vaka‘a bi’t-taleb ketb olundu. Fi’l-yevmi’s-sâlis min Cumâdelûlâ sene [10]77. Şuhûdü’l-hâl: Şükrullah b. Mustafa, Abdi Çelebi b. Hüseyin, Mustafa b. el-Hâc Ahmed, İbrahim Çelebi b. Ahmed, Mehmed b. Ramazan, Ali b. Pîrî Mirahor mahallesinden, Veli Çelebi b. Osman Küçükpazar’dan.