Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 133 Hüküm no: 70 Orijinal metin no: [10a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultana bt. İlya’nın, câriyesini âzat ettiği Mahmiye-i İstanbul hısnı ebvâbından Balatkapısı hâricinde Abdi Subaşı mahallesinde mütemekkine Sultana bt. İlya nâm Yahudiye’nin zevci ve tarafından zikri âtî ikrâra vekîl olup merkūmenin zâtını ma‘rifet-i şer‘iyye ile ârifân olan Arslan v. Simarya ve Yasef v. Salamon nâm Yahudi’lerin şehâdetleri ile şer‘an vekâleti sâbite olan Yako v. Simarya nâm Yahudi meclis-i şer‘-i şerîf-i enverde bi’l-vekâle ikrâr ve takrîr-i kelâm edip müvekkilem merkūme Sultana kendiye rıkkıyyetini mu‘terife olan işbu orta boylu, açık kara kaşlı, kara gözlü Gürciyyetü’l-asl nasrâniyyetü’l-mille bâ‘isetü’l-vesîka Urbana bt. Gabril nâm câriye-i memlûkesini tahrîr ve i‘tâk ve zümre-i harâir-i asliyyâta idrâc ve ilhâk eyledi ba‘de’l-yevm mevsûfe-i mezkûre sâir harâir-i asliyyât gibi hürre olup üzerinde müvekkilemin velâdan gayrı hakkı kalmadı dedikde mâ vaka‘a bi’t-taleb ketb olundu. Fi’l-yevmi’s-sâlis min Cumâdelûlâ li sene 1077. Şuhûdü’l-hâl: Receb Çavuş el-Mübâşir, el-Hâc Piyâle b. Abdullah, Hasan b. Abdullah, Abdullah b. Abdullah, Musli b. Abdullah.