Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 135 Hüküm no: 73 Orijinal metin no: [10b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Ali b. Abdi’nin, Ali b. Pîrî’den alacaklı olduğu Mahmiye-i İstanbul’da Ali Paşa-yı Atîk mahallesi sâkinelerinden işbu bâ‘isü’l-kitâb el-Hâc Ali b. Abdi nâm kimesne meclis-i şer‘-i şerîf-i lâzımü’t-teşrîfde Ali b. Pîrî mahzarında üzerine da‘vâ ve takrîr-i kelâm edip mezbûr Ali zimmetinde cihet-i karz-ı şer‘îden yirmi dokuz esedî guruş hakkım vardır hâlâ taleb ederim suâl olunsun dedikde gıbbe’s-suâl mezbûr Ali cevâbında fi’l-vâki‘ müdde‘î-i mezbûra minvâl-i muharrer üzre cihet-i karz-ı şer‘îden yirmi dokuz esedî guruş zimmetimde vâcibü’l-edâ ve lâzımü’l-kazâ deynim vardır deyû bi tav‘ihî ikrâr ve i‘tirâf etmeğin mûcebince meblağ-ı mezbûru müdde‘î-i mezbûra edâ ve teslîme mezbûr Ali’ye tenbîh birle mâ vaka‘a bi’t-taleb ketb olundu. Fi’l-yevmi’s-sâlis min Cumâdelûlâ sene seb‘a ve seb‘în ve elf Şuhûdü’l-hâl: Şükrullah Bey b. Mustafa, Mehmed b. Ramazan, Mustafa b. Ahmed, Resul b. Rıdvan, Abdi Çelebi b. Hüseyin