Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 137 Hüküm no: 75 Orijinal metin no: [11a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmekçilerin, Şehzade Sultan Mehmed Han’ın imâretinden fakirlere dağıtılan ekmeklerin tevziatı ve tayini ile ilgili aralarında anlaşmaları Ekmekçi tâifesinin şeyhleri olan Mehmed Dede b. İbrahim ve ihtiyârlarından Mehmed Dede b. Fazlullah ve Dilâver b. Abdullah ve Zülfikār b. Mehmed ve Mehmed b. Abdülganî ve Mehmed Dede b. Abdullah ve İsa b. Musa ve Osman b. Mehmed ve Nurullah b. İvaz nâm kimesnelerden her biri meclis-i şer‘-i şerîf-i Ahmedî ve mahfil-i dîn-i münîf-i Muhammedî’de takrîr-i kelâm ve ta‘bîr ani’l-merâm edip merhûm ve mağfûrun leh Şehzâde Sultan Mehmed Hân hazretlerinin imâret-i âmirelerinden umyâna ta‘yîn olunan ekmekden şart-ı vâkıf üzre içimizden ekmek ta‘yîn olunanlardan biri vefât edip ekmeği âhara ta‘yîn olunmak lâzım oldukda ihtiyârlarımızdan ba‘zı bundan akdem birer mikdâr akçe rüşvet alıp ta‘yîn etmeleri ile fukarâya gadr olmağın ba‘de’l-yevm zikr olunan imâretden vech-i muharrer üzre ekmeğe mutasarrıf olanlardan biri vefât edip ekmeği âhara ta‘yîn olunmak lâzım geldikde ta‘yîn için rüşvet almayıp ve aldırmayıp bilâ-garaz bir müstahıkka ta‘yîn etmek üzre kavl ve ittifâk ve ahd-i mîsâk eyledik dediklerinde mâ vaka‘a ketb olundu. Fi’l-yevmi’s-sâbi‘ min Cumâdelûlâ li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, Abdi Çelebi b. Hüseyin, Resul b. Rıdvan, Mehmed b. Ramazan.