Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 137 Hüküm no: 76 Orijinal metin no: [11a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi b. Hasan’ın, Mehmed Çelebi b. Abdullah’taki alacağını kefil olan Ali Bey b. Ömer’den istediği Mahmiye-i İstanbul’da Tahtakal‘a kurbunda Üskübî mahallesi sâkinlerinden İbrahim Çelebi b. Hasan nâm kimesne meclis-i şer‘-i şerîfde Ali Bey b. Ömer nâm kimesne mahzarında üzerine da‘vâ ve takrîr-i kelâm edip gāib ani’l-meclis Mehmed Çelebi b. Abdullah nâm kimesne zimmetinde cihet-i deyn-i şer‘îden hakkım olan kırk kıt‘a esedî guruşa mezbûr Ali Bey emr ve kabûlü hâviye kefâlet-i sahîha-i şer‘iyye ile kefîl olmağın suâl olunup kefâletine binâen meblağ-ı mezbûr kırk kıt‘a esedî guruşun merkūm Ali Bey’den alıverilmesi matlûbumdur dedikde gıbbe’s-suâl mezbûr Ali Bey vech-i meşrûh üzre cihet-i mezbûreden gāib-i mezkûr Mehmed Çelebi zimmetinde müdde‘î-i mezbûrun hakkı olan kırk kıt‘a esedî guruşa kefîl olduğunu bi tav‘ihî ikrâr etmeğin alâ mûcebi ikrârihî meblağ-ı mezkûr kırk kıt‘a esedî guruşu müdde‘î-i mezbûra edâya ba‘de’t-tenbîh mâ vaka‘a bi’t-taleb ketb. Fî gurreti Cumâdelûlâ li sene seb‘a ve seb‘în ve elf. Şuhûdü’l-hâl: El-Hâc Mansur b. el-Hâc Mansur, Mehmed Bey b. Ramazan, Dülger Yusuf, Abdi b. Hüseyin.