Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 139 Hüküm no: 79 Orijinal metin no: [11b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. İbrahim’in muhâlaa yoluyla boşandığı Mahmiye-i Kostantıniyye mahallâtından Murad Efendi mahallesinde sâkine olan Fâtıma bt. İbrahim nâm hâtun meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzıre olup Mehmed b. Bâli nâm zevc-i dâhil-i bihâsı ile hul‘ eyledi. Zevc-i mezbûr da nikâhında ma‘kūdun-aleyh olan râyicü’l-vakt iki bin akçe mehr-i müecceli ve me’ûnet-i süknâsı mukābilinde anınla muhâla‘a eyledi. Mezbûre Fâtıma bu sûretle yeni bir akd-i nikâh yapılmadan ve yeni bir mehir ödenmeden zevc-i mezbûruna helâl olmayacak şekilde andan ayrılmış oldu. Sonra her biri diğerinin zimmetini cemî‘ de‘âvîden ibrâ-i âmm-ı kātı‘ ile ibrâ eyledi. Cerâ zâlike ve hurrire fi’l-yevmi’s-sâbi‘ min Cumâdelûlâ sene seb‘a ve seb‘în ve elf. Şuhûdü’l-hâl: Ahmed Halîfe b. Bâli el-İmâm, el-Hâc Mustafa b. Ali, el-Hâc Mustafa b. Mehmed, Ali b. Musa