Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 140 Hüküm no: 80 Orijinal metin no: [11b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Borcu nedeniyle hapiste bulunan İsmail b. Ahmed’in borcunu fakirliğinden dolayı ödeyemediği anlaşıldığında tahliye edildiği Her birisi Rumeli vilâyeti Kırçova kasabası ahâlîsinden olan, mahmiye-i Kostantıniyye mahallâtından Koruk Mahmud mahallesinde sâkin Mustafa Bey b. Hüseyin ve mahmiye-i mezbûre mahallâtından Mahmud Paşa mahallesinde sâkin Osman b. Tur Ali ve Bostancı Ahmed Bey b. Ali nâm kimesnelerin haber vermeleriyle ve dahi cemm-i gafîr ve cem‘-i kesîrenin ihbârıyla, Cafer Bey nâm kimesneye olan elli bin akçe deyni sebebiyle yedi aydan beri sicn-i sultânîde mahbûs bulunan, kasaba-i mezkûre köylerinden Ağaçlar köyü ahâlîsinden olan İsmail b. Ahmed’in fakīr, müflis, ahvec-i nâs ve vâsıl ilâ gāyeti’l-iflâs olduğu hâkim-i muvakki‘u a‘lâ hâze’l-kitâb bi tevkī‘ihi’ş-şerîfi’l-müstetâb indinde zâhir olup tebeyyün ettiğinde, hâkim-i mûmâ-ileyh mahmiye-i mezkûrede vâki‘ Küçük Pazar kurbunda sâkin olan Yusuf Ağa b. Mehmed’in medyûn-ı mezbûrun nefsine ve hîn-i mütâlebede meclis-i şer‘-i şerîfe ihzârına kefîl olmasından sonra medyûn-ı mahbûs-i mezkûru ıtlâk edip tahliyye etti. Cerâ zâlike ve hurrire fi’l-yevmi’s-sâbi‘ aşere min şehri Rebî‘ilâhir sene seb‘a ve seb‘în ve elf. Şuhûdü’l-hâl: Şaban Ağa b. Süleyman Ser-muhzırân, Mehmed Çelebi b. Abdürrahim, Osman b. Ömer Sarrâc, İsmail b. Mustafa, Mustafa Çelebi b. el-Hâc Ahmed.