Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 141 Hüküm no: 83 Orijinal metin no: [11b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Abdullah’ın Receb Beşe b. Sefer’den muhâlaa yoluyla boşandığı için mehir isteyemeyeceği Mahmiye-i İstanbu[l’da] Âşık Paşa mahallesi sâkinelerinden Fâtıma bt. Abdullah nâm hâtun meclis-i şer‘-i şerîf-i lâzımü’t-teşrîfde zevc-i mutallıkı işbu bâ‘isü’l-kitâb Receb Beşe b. Sefer nâm kimesne mahzarında üzerine da‘vâ ve takrîr-i kelâm edip mezbûr Receb Beşe târih-i kitâbdan bir buçuk sene mukaddem beni bâyinen tatlîk etmeğin zimmetinde mütekarrir ve ma‘kūdun-aleyh olan bin akçe mehr-i müeccelim zimmetinde kalmışidi hâlâ taleb ederim suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûr Receb Beşe cevâbında müdde‘iyye-i mezbûre ile târih-i mezbûrda huzûr-ı müslimînde [12a] zimmetimde olan bin akçe mehri üzerine muhâla‘a-i sahîha-i şer‘iyye ile muhâla‘a olmuşidik deyû def‘le mukābele edicek gıbbe’l-istintâk merkūme Fâtıma mezbûr Receb Beşe ile târih-i mezbûrede vech-i muharrer üzre mehri üzerine muhâla‘a ettiklerini tâyi‘an ikrâr etmeğin müdde‘iyye-i mezbûre Fâtıma bî-vech mu‘ârazadan men‘ olunup mâ vaka‘a bi’t-taleb ketb olundu. Fi’l-yevmi’l-hâmis min şehri Rebî‘ilâhir li sene 1077. Şuhûdü’l-hâl: Ahmed Beşe b. Abdullah, İbrahim Çelebi b. Ahmed, Şükrullah Bey b. Mustafa, Veli b. Mahmud.