Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 146 Hüküm no: 93 Orijinal metin no: [13a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Mustafa’nın Mustafa Efendi b. Muharrem’e borçlu olduğu Fi’l-asl vilâyet-i Anadolu’da Bolu sancağında Yenice kazâsına tâbi‘ Kara Mehmed nâm karye sükkânından İbrahim b. Mustafa nâm kimesne meclis-i şer‘-i hatîr-i lâzımü’t-tevkīrde işbu bâ‘isü’l-kitâb Mustafa Efendi b. Muharrem mahzarında bi’t-tav‘i’s-sâf ikrâr ve i‘tirâf edip merkūm Mustafa Efendi malından bana elli kıt‘a esedî guruş ikrâz ve teslîm ben dahi iktirâz ve kabz eyledim, meblağ-ı mezbûr merkūm Mustafa Efendi’ye zimmetimde lâzımü’l-edâ ve vâcibü’l-kazâ deynimdir dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fî gurreti Cumâdelûlâ li sene seb‘a ve seb‘în ve elf. Şuhûdü’l-hâl: Hüseyin Beşe b. Yusuf, Osman Efendi b. Hatîbzâde, Feyzullah b. Musa, Habib b. Ramazan, Hacı Abdurrahman b. Hüseyin, Müezzinoğlu Ahmed.