Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 149 Hüküm no: 97 Orijinal metin no: [13a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Osman’ın, kölesi Rıdvan’ı âzat ettiği Mahmiye-i İstanbul’da Haydarhâne mahallesinde sâkin Ahmed Beşe b. Osman nâm kimesne meclis-i şer‘-i şerîf-i şâmihü’l-imâd ve mahfil-i dîn-i münîf-i râsihü’l-evtâdda ikrâr ve takrîr-i kelâm edip bana rıkkıyyetini mu‘terif olan işbu orta boylu açık kaşlı elâ gözlü mültehî ani’l-asl Rıdvan b. Abdullah nâm hükmî abd-i memlûkümü hasbeten lillâhi’l-Hallâk tahrîr ve i‘tâk ve zümre-i ahrâr-ı asliyyîne idrâc ve ilhâk eyledim ba‘de’l-yevm mevsûf-ı mezkûr Rıdvan sâir ahrâr-ı asliyyîn gibi hür olup üzerinde velâ-i şer‘îden gayrı hak ve alâkam kalmadı dedikde mâ vaka‘a bi’t-taleb ketb olundu. Fi’l-yevmi’l-hâdî aşer min Cemâziyelevvel li sene seb‘a ve seb‘în ve elf. Şuhûdü’l-hâl: Hacı Mustafa b. Mehmed, Hasan Çavuş b. Ebûbekir, Mehmed Beşe b. Hasan, Solak Hasan Çelebi b. İdris, Ahmed b. Ali.