Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 161 Hüküm no: 242 Orijinal metin no: [26b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Davud Bey b. Abdülmennân’ın subaşıların zabt ettiği Küçükçekmece ve Büyükçemece’ye ait vergileri bir yıllığına Seyyid Hüseyin b. Seyyid Ahmed ile Receb b. Şehabeddin’e verdiği Bi’l-fi‘l Hâslar Subaşısı olan fahrü’l-akrân Davud Bey b. Abdülmennân mahfil-i kazâda mahmiye-i Kostantıniyye mahallâtından Fîruz Ağa mahallesinde sâkin olan es-Seyyid Hüseyin b. es-Seyyid Ahmed ve Kalenderhâne mahallesinde sâkin olan Receb b. Şehabeddin nâm kimesneler mahzarlarında ikrâr ve i‘tirâf edip havâss-ı mezbûreden Küçükçekmece ile Büyükçekmece’lerin ve kadîmü’l-eyyâmdan Çekmecelere tâbi‘ olup subaşılar zabt eyledikleri kurânın beytülmâl-i hâssadan mâ‘adâ bâd-ı hevâsını ve sâir mîrîye âid ve râci‘ olan rüsûmâtını olagelen âdet üzre mezbûrlara işbu sene erba‘a ve tis‘în ve tis‘a mi’e Rebî‘ilâhiri’nin dördüncü gününden sene tamâmına değin her üç ay tamâmında kıstü’l-yevm üzre haklaşmak şartıyla kırk sekiz bin râyic fi’l-vakt akçeye ber vech-i iştirâk verdim dedikde mukırr-ı merkūmu akvâl-i meşrûhasında mukarrun lehümü’l-mesfûrân vicâhen ve şifâhen tasdîk edip ve zikr olunan kırk sekiz bin akçeye yine Fîruz Ağa mahallesinden Ömer b. Osman ve mahmiye-i Galata hâricinde vâki‘ Yazıcı mahallesinden Sefer b. Ali nâm kimesneler mezbûrânın emirleriyle kefîl olduklarından sonra mezbûrlar dahi birbirlerinin nefislerine ve meblağ-ı merkūma kefîl olduklarında mâ vaka‘a alâ vukū‘ihî bi’t-taleb kayd olundu. Tahrîren fî 4 Rebî‘ilâhir sene 994. Şuhûdü’l-hâl: Mehmed Çelebi b. Ali, Emir Sadi b. Abdullah, Ali Çelebi b. Kasım, Mustafa b. Alagöz, Mehmed b. Abdullah, Hüsrev b. Abdullah ve gayruhüm