Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 166 Hüküm no: 252 Orijinal metin no: [27a-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Mahmud’un zevci Mustafa b. Abdullah ile muhâlaa ile boşandıkları Medîne-i Ebâ Eyyûb el-Ensârî -aleyhi rıdvânü’l-meliki’l-Bârî-’de sâkine olan Sâliha bt. Mahmud nâm hâtun mahfil-i kazâda zevci olan bâ‘is-i tahrîr-i kitâb Mustafa b. Abdullah mahzarında bi’t-tav‘ ve’r-rızâ ikrâr ve i‘tirâf edip mezbûr zevcime iki altın arakiyye ve bir kırmızı Bağdâdî kutnî ve bir yeşil sencefil lâciverd ferâce bedel-i hul‘ verip nafaka-i iddetimden ve bin râyic fi’l-vakt akçe mehr-i müeccelimden fâriğa olmak üzre mezbûr ile muhâla‘a eyledim ve mezbûr ile hukūk-ı zevciyyete ve gayra müte‘allik biribirimizin zimmetini cemî‘ da‘vâ ve mütâlebât ve eymân ve muhâsamâtdan ibrâ-i âm ile ibrâ ve iskāt eyledik eğer min ba‘d benden veya vekîlimden muhâla‘un aleyhâ olan esbâba ve mehr-i müeccelim ile bir yılda nafaka-i iddetime müte‘allik da‘vâ sâdır olursa lede’l-hükkâmi’l-kirâm mesmû‘a olmaya dedikde mukırra-i merkūmeyi akvâl-i meşrûhasında mezbûr Mustafa vicâhen ve şifâhen tasdîk ve tahkīk edip ve vech-i meşrûh hul‘ eylediğine mukır ve mu‘terif oldukda mâ vaka‘a vukū‘u üzre gıbbe’t-taleb kayd olundu. Şuhûdü’l-hâl: Mustafa b. Yusuf, Mehmed b. İbrahim, Mustafa b. Yusuf, Hasan b. Ali, Mehmed el-Müezzin, Mustafa b. Muharrem, Bâli b. Hüseyin, Osman b. Hüseyin, Ali b. Yahya, Ahmed b. Kurd