Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 166 Hüküm no: 253 Orijinal metin no: [27b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sadeddin Efendi b. Hasan Can’ın tasarrufundaki vakıf habbâz dükkânının tasarruf hakkını Ahmed b. Mîr Ağa’ya tefvîz ettiği Zağarcılar deyû bilinen zümreden Mehmed b. Yahya tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde sultânü’l-ulemâ’i’l-izâm burhânü’l-ukalâ’i’l-kirâm râfi‘ü râyâti’d-dîni’l-metîn muvazzihu âyâti’l-ilmi’l-mübîn el-âlimü’l-fâzılu’r-rabbânî ve’n-nıhrîrü’l-kâmilü’s-samedânî kâşifü esrâri’l-müşkilâti’d-dîniyye bi’l-fikrihi’s-sâ’ib vâkıfu rumûzi’l-mu‘zilâti’l-yakīniyye bi’r-re’yihi’s-sâkıb nâsıbu râyâti’l-avârif vâsılu gāyâti’l-ma‘ârif üstâdü sultânü’s-selâtîn hülâsatü’l-mâ’i ve’t-tîn Hazret-i Sadeddin Efendi b. el-merhûm Hasan Can Efendi kıbelinden kaziyye-i âti’z-zikri tasdîke vekîl-i şer‘î olan bâ‘is-i tahrîr-i hâze’l-kitâb umdetü’l-emâcid ve’l-ekârim Ahmed b. Mîr Ağa mahzarında ikrâr etti ki icâre-i mu‘accele ile tasarruf eylediği merhûm Ali Paşa vakfı’ndan olup medîne-i Ebâ Eyyûb el-Ensârî -aleyhi rıdvânü’l-meliki’l-Bârî-’de vâki‘ inde’l-cîrân şöhreti nedeniyle tahdîdden müstağnî olan habbâz dükkânının cemî‘ hakkı tasarrufunu mütevellî ma‘rifetiyle müvekkil-i mûmâ-ileyh adına tefvîz eyleyip mukābele-i tefvîzde vekîl-i mezbûr yedinden fıddî râyic fi’l-vakt mikdârı yirmi bin akçe olan meblağı aldıkda ol dahi andan tefevvuz eylemeğin tefvîz ve tefevvuz-i sahîhayn-i şer‘iyyeyn ve ikrâr-ı sahîh-i şer‘î men lehü’t-tasdîk kıbelinden vicâhen ve şifâhen tasdîk olunmağın [kayd olundu]. Şuhûdü’l-hâl: Kıdvetü’l-emâsil Mustafa Çavuş, Mehmed Bey b. Abdullah er-Râcil, Ömer Bey b. Abdullah er-Râcil, Mahmud Çelebi el-Hatîb ve gayr