Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 172 Hüküm no: 266 Orijinal metin no: [28b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ziri v. Dimo’nun bağını Polo v. Yani’ye sattığı Vilâyet-i Rumeli’nde Fener kazâsına tâbi‘ karye-i Senlize nâm karyeden Ziri v. Dimo nâm zimmî mahfil-i kazâda hâmil-i hâze’l-kitâb karye-i mezbûreden Polo v. Yani muvâcehesinde ikrâr ve i‘tirâf edip karye-i mezbûrede vâki‘ bir tarafı Yani v. Kohiriho bağına bir câni[bi] Niko v. Cefe bağına bir tarafı Kaminos bağına bir tarafı tarîk-i âm ile mahdûd olan bağımı mezbûra dokuz yüz râyic fi’l-vakt akçeye bey‘ edip teslîm-i mebî‘ ve kabz-ı semen eyledim dedikde mukırr-ı mezbûru vech-i meşrûh üzre mukarrun leh[ü’l]-mesfûr bi’l-muvâcehe tasdîk ve kabûl edip mâ vaka‘a bi’t-taleb kayd şüd. Fî târihihî. Şuhûdü’l-hâl: Bâli b. Hüseyin, Mustafa [b.] Muharrem, Dimo v. Rizo, Kiryazi v. Kaçaro, Todori v. Bukı, Papayani v. ( )