Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 176 Hüküm no: 271 Orijinal metin no: [29a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Veli ve Nebi’nin babalarından miras kalan evi Yeniçeri Hasan’a, onun da Defterdâr Hasan Efendi’ye sattığı, evin Bahşî adlı kişiye ait olmadığı Havâss-ı Kostantıniyye tevâbi‘inden Kara Ahmedli nâm karye sâkinlerinden Veli ve Nebi nâm kimesneler mahfil-i kazâ ve mahall-i irtizâda kıdvetü erbâbi’l-ikbâl umdetü ashâbi’l-iclâl câmi‘ü vücûdi’l-emvâl âmirü’l-hızâne bi-ahseni’l-a‘mâl sâbıkan baş defterdâr olan Hasan Efendi mahzarında takrîr-i kelâm edip karye-i mezbûrede inde’l-cîrân ma‘lûmetü’l-hudûd babamızdan irs-i şer‘le intikāl eden menzili ve bennâ zirâ‘ıyla on beş zirâ‘ arz-ı hâliyeyi bundan akdem Hasan nâm yeniçeriye bey‘ edip kabz-ı semen ve teslîm[-i mebî‘] ettikden sonra mezbûr Hasan dahi mûmâ-ileyh Defterdâr Efendi’ye bey‘ edip ol arz-ı hâliye karye-i mezbûrede müteveffâ Bahşî’nindir deyû nizâ‘ olundukda husûs mezbûrândan suâl olundukda ol arz-ı hâliye babamızdan irs-i şer‘le intikāl etti menzil-i mezbûr ile merkūm yeniçeriye biz bey‘ ettik merkūm Bahşî’nin vechen mine’l-vücûh alâkası yokdur bizim mülk-i mevrûsumuzdur deyû ikrâr ve i‘tirâf ettikde mâ vaka‘a vukū‘u üzre bi’t-taleb kayd olundu. Şuhûdü’l-hâl: Rıdvan [b.] Abdullah, Handan [b.] Abdullah, Bâli b. Hüseyin, Mustafa [b.] Yusuf, Ömer b. Üveys, Mehmed b. Ali, Mustafa [b.] Muharrem ve gayruhüm