Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 176 Hüküm no: 272 Orijinal metin no: [29b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Haydar b. Abdullah’ın evini Hüseyin Çelebi Vakfı’na istiğlâl yoluyla sattığı Medîne-i Ebâ Eyyûb el-Ensârî -aleyhi rıdvânü’l-meliki’l-Bârî- tevâbi‘inden Sütlüce karyesinde sâkin Haydar b. Abdullah meclis-i şer‘-i şerîfde ikrâr edip kendisine âid mülkü olan mahalle-i mezbûrede vâki‘ bir beyt-i süflîyi ve kenîfi ve su kuyusunu ve cüneyneyi muhtevî Mahmud b. Abdullah er-Râcil mülkü ve Muslihiddin et-Tabîb mülkü ve Esmâ Hâtun bt. Abdullah mülkü ve tarîk-i âm ile mahdûd cemî‘ menzilini [bi cümleti’l-hudûd] ve kâffeti’l-hukūk mikdârı fıddî râyic fi’l-vakt bin akçe semen-i mu‘ayyen-i makbûza hâmil-i hâze’l-kitâb Hüseyin Çelebi vakfı’na mütevellî olan Mehmed b. Mehmed’e bey‘-i sahîh-i şer‘î ile bey‘ etmeğin ol dahi vakf-ı mezbûr malı ile andan istiğlâlen iştirâ eyleyip tahliyye ve tekābuzdan sonra işbu kitâbın zeylindeki târih şehri gurresinden sene-i kâmile tamâmına değin müddet-i mezbûrede mikdârı altı yüz akçe mezbûrü’n-na‘t ücret-i mu‘ayyeneye istîcâr eyledikde mütevellî dahi ana îcâr etmeğin istîcâr ve îcâr-ı sahîhayn-i şer‘iyyeyn ve ikrâr-ı sarîh-i mer‘î mütevellî kıbelinden vicâhen ve şifâhen tasdîk olunup derk-i menzile ve ücretine Hasan b. Hüseyin emr ve kabûlü hâviye kefâlet ile kefîl olmağın [kayd olundu]. Şuhûdü’l-hâl: ( )