Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 160 Hüküm no: 114 Orijinal metin no: [15b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mühtediye olup bir müslümanla evlenen Fâtıma bt. Abdullah’ın boşandığı kocası Mosis’ten olan çocuklarının bakımını kendisinin üstleneceği Mahmiye-i İstanbul’da Sultanhamamı kurbunda Kefeli mahallesi sâkinelerinden Fâtıma bt. Abdullah nâm mühtediye meclis-i şer‘-i şerîf-i şâmihü’l-imâd ve mahfil-i dîn-i münîf-i râsihü’l-evtâdda hâl-i küfründe zevci olan Mosis v. Bâli nâm Ermeni muvâcehesinde ikrâr ve takrîr-i kelâm edip mezbûr Mosis’in firâşından mütevellid olup bana tebâ‘iyyet ile İslâm’larına hükm olunup hâlâ yedi yaşında olan sadrî sagīr oğlum ile dört yaşında olan sadriye sagīre kızım Âişe’yi bi hakki’l-hidâne terbiye ve imsâk üzre iken nefsimi sagīrân-ı mezbûrâna ecnebî olan Mehmed nâm kimesneye tezvîc edip benden hakk-ı hidâne sâkıt olmağla sagīrân-ı mezbûrânı hidânemden almış idi, lâkin ülfet-i küfre ve tanassur ihtimâli olmağla sagīrân-ı mezbûrânı hâkim-i muvakki‘-i sadr-ı kitâb tûbâ-leh ve hüsnü me’âb hazretleri bana teslîm ben dahi tesellüm edip sagīrân-ı mezkûrânı ücretsiz besleyip kendi malımdan teberru‘an infâk ve iksâ eylemeğe ta‘ahhüd eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî aşer min Cumâdelûlâ li sene seb‘a ve seb‘în ve elf. Şuhûdü’l-hâl: Mehmed Çelebi b. Abdullah, Şükrullah Bey b. Mustafa, Abdi Çelebi b. Hüseyin, Mehmed Bey b. Ramazan.