Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 161 Hüküm no: 115 Orijinal metin no: [15b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Proşka bt. Prakoli’nin, kocası Dimitri v. Gürhan’a borçlu olduğu Mahmiye-i İstanbul’da Kefeli mahallesi sâkinelerinden Proşka bt. Prakoli nâm zimmiye meclis-i şer‘-i hatîr-i lâzımü’t-tevkīrde işbu râfi‘ü’s-sifr zevci Dimitri v. Gürhan nâm zimmî mahzarında tav‘an ve rağbeten ikrâr ve takrîr-i kelâm edip mezbûr Dimitri’ye cihet-i karz-ı şer‘îden zimmetimde vâcibü’l-edâ ve lâzımü’l-kazâ on beş bin iki yüz râyic fi’l-vakt akçe deynim vardır minvâl-i meşrûh üzre ikrârım tahrîr ve hüccet olunup merkūm Dimitri’nin yedine verilmesi matlûbumdur dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis aşer min Cumâdelûlâ li sene seb‘a ve seb‘în ve elf. Şuhûdü’l-hâl: Abdi Çelebi b. Receb, Şükrullah Bey b. Mustafa, Mustafa Çelebi b. Ahmed, Mehmed b. Ramazan, David v. Agasar, İsrail v. Sahak, Arslan v. Panayot.