Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 190 Hüküm no: 298 Orijinal metin no: [32b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Elanarda v. Yorgi’nin evini ve bağını Hüseyin Çelebi Vakfı’na istiğlâl yoluyla sattığı Havâss-ı Kostantıniyye el-mahmiyye tevâbi‘inden Küçük Suyolcu deyû ma‘rûf karyede sâkin olan Elanarda v. Yorgi nâm zimmî meclis-i şer‘-i şerîfde ikrâr etti ki kendisine âid mülkü olan karye-i mezbûrede vâki‘ cemî‘ menzilini bi-cümleti’l-hudûd ve kâffeti’l-hukūk ve yine karye-i mezbûrede vâki‘ kürûmunu mikdârı fıddî râyic fi’l-vakt iki bin iki yüz akçe semen-i mu‘ayyen-i makbûza hâmil-i hâze’l-kitâb Hüseyin Çelebi vakfı’na mütevellî olan Mehmed b. Mehmed’e bey‘-i sahîh-i şer‘î ile bey‘ etmeğin ol dahi andan vakf-ı mezbûrun malı ile istiğlâlen iştirâ edip tahliyye ve tekābuzdan sonra işbu kitâbın zeylindeki târih şehri gurresinden sene-i kâmile tamâmına değin müddet-i mezbûrede mikdârı mezbûrü’n-na‘t iki yüz elli akçe ücret-i mu‘ayyeneye istîcâr eyledikde mütevellî dahi ana îcâr etmeğin istîcâr ve îcâr-ı sahîhayn-i şer‘iyyeyn ve ikrâr-ı sahîh-i mer‘î mütevelli’l-mezbûr kıbelinden vicâhen ve şifâhen tasdîk olunup derkine ve ücretine Kosta v. İstiko ve bâyi‘-i mezbûrun zevcesi Zafire bt. Yorgi ve Taraka emr [ve kabûlü] hâviye kefâlet ile kefîl olmağın [kayd olundu]. Şuhûdü’l-hâl: Sefer Bey [b.] Abdullah, Hüseyin b. Hasan, Evhad? b. İbrahim, Mahmud [b.] Arslan, Muslu Çelebi [b.] Şuca‘, Hüseyin b. Ali