Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 191 Hüküm no: 299 Orijinal metin no: [32b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Kulfalı’nın câriyesini ayarttı iddiasıyla davacı olduğu Ali b. Memi ile beş yüz akçe karşılığında sulh olduğu Yevmü’l-isneyn 26 Medîne-i Ebâ Eyyûb el-Ensârî mahallâtından Câmi‘-i şerîf mahallesinde sâkin Mehmed b. Kulfalı mahall-i irtizâda mahmiye-i İstanbul’da Molla Hüsrev odalarında sâkin Ali b. Memi mahzarında takrîr-i kelâm edip mezbûr Ali bundan akdem mahrûse-i Bursa’da Emine nâm câriyemi bir mor ferâce ve bir yeşil ferâce ve bir lâciverd dolama ve don ve gömlek ve ev içinden ba‘zı esbâb ile ayarttı deyû da‘vâ edip mâbeynimizde münâza‘ât-ı kesîre ve muhâsamât-ı şedîde vâki‘ olup muslihûn tavassutuyla beş yüz râyic fi’l-vakt akçeye sulh edip bedel-i sulh olan meblağ-ı merkūmu mezbûr Ali’nin yedinden bi’t-tamâm alıp kabz edip mezbûr[un] zimmetini ibrâ ve iskāt ettim eğer benden veya vekîlimden husûs-ı mezbûra müte‘allik da‘vâ sâdır olursa lede’l-hükkâmi’l-kirâm mesmû‘a olmaya dedikde mukırr-ı merkūmu ikrâr-ı meşrûhunda vicâhen ve şifâhen tasdîk [edip] mâ vaka‘a vukū‘u üzre bi’t-taleb kayd olundu. Şuhûdü’l-hâl: Bâli b. Hüseyin ve gayruhüm min[e’l-huzzâr]