Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 192 Hüküm no: 301 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Galdene bt. Nikola’nın mülk menzilini ve iki bağını Poluca v. Mihal’e satıp bedelini tahsil ettiği Havâss-ı Kostantıniyye tevâbi‘inden İspertava? nâm karye sâkinlerinden Galdene bt. Nikola mahfil-i kazâda hâmil-i hâze’l-kitâb Poluca v. Mihal mahzarında ikrâr-ı sahîh-i şer‘î ve i‘tirâf-ı sarîh-i mer‘î edip karye-i mezbûrede vâki‘ olup bir cânibi Mustafa nâm kimesnenin harmanına ve iki cânibi tarîk-i âma ve bir cânibi Hüseyin Subaşı mezra‘asına müntehî olup bir çatma evi ve bir sundurmayı müştemil olan mülk menzilimi ve karye-i merkūme kurbunda inde’l-cîrân ma‘lûmetü’l-hudûd harâba müşrif iki kıt‘a bağımı mezbûra bin yedi yüz nakd-i râyic fi’l-vakt akçeye bey‘-i bâtt-ı sahîh-i şer‘î ile bey‘ edip kabz-ı semen ve teslîm-i mebî‘ eyledim dedikde mukırra-i mezbûreyi akvâl-i meşrûhasında müşterî-i mezbûr vicâhen ve şifâhen tasdîk eyledikde mâ vaka‘a kayd olundu. Şuhûdü’l-hâl: Mustafa b. Hayreddin, Mustafa b. İvaz, Mehmed b. Mustafa, İbrahim b. Mustafa, Mehmed b. Ali, İlyas b. Kurd, Kün [v.] Toma, Nikola [v.] Coco, Nikola ...?, Nikola [v.] Levend