Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 192 Hüküm no: 302 Orijinal metin no: [33a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamza b. Yusuf’un dükkânını Turşucuzâde Hüseyin Çelebi Vakfı’na istiğlâl yoluyla sattığı Hamza b. Yusuf meclis-i şer‘-i şerîfde ikrâr ve i‘tirâf etti ki kendisine âid mülkü olan Kostantıniyye el-mahmiyye hısnı ebvâbından Hazret-i Ebâ Eyyûb el-Ensârî -aleyhi rahmetü’l-meliki’l-Bârî- kapısı hâricinde vâki‘ olan ve içinde cam ve sırça işlenmek üzre hazırlanmış olan bu san‘at ile münâsebeti olan ebniye ve âlât ile birlikte lede’l-ahâlî ma‘lûmü’l-hudûd cemî‘ dükkânını mikdârı fıddî râyic fi’l-vakt üç bin akçe olan semen-i mu‘ayyen-i makbûza hâmil-i hâze’l-kitâb Turşucuzâde deyû ma‘rûf merhûm Hüseyin Çelebi vakfı’na mütevellî olan Mehmed b. İbrahim’e bey‘ edip ol dahi andan vakf-ı mezbûrun malı ile istiğlâl için satın almağın tahliyye ve tekābuzdan sonra işbu kitâbın zeylindeki târihin şehri Muharremi’l-harâmı gurresinden sene-i kâmile tamâmına değin müddet-i mezbûrede mikdârı mezbûrü’n-na‘t üç yüz akçe olan ücret-i mu‘ayyeneye istîcâr eyledikde mütevellî dahi ana îcâr etmeğin îcâr ve istîcâr-ı sahîhayn-i şer‘iyyeyn ve ikrârı mütevelli’l-mezbûr tarafından vicâhen tasdîk olunup mebî‘-i mezbûrun derkine ve ücretine Yusuf b. Arslan emr ve kabûlü hâviye kefâlet ile kefîl olmağın [kayd olundu]. Cerâ zâlike fî evâhiri şehri Şa‘bâni’l-mu‘azzam sene 994. Şuhûdü’l-hâl: Receb b. Veli el-İmâm, Nurullah Halîfe b. Yusuf el-İmâm, Ahmed b. Himmet, İsâ b. Hüseyin ve gayr