Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 196 Hüküm no: 309 Orijinal metin no: [33b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kâmile bt. Abdullah’ın evini Hâce Hayreddin Vakfı’na istiğlâl yoluyla sattığı Kâmile bt. Abdullah ikrâr etti ki kendisine âid mülkü olan medîne-i Ebâ Eyyûb el-Ensârî mahallâtından Çavuş Kasım mahallesinde vâki‘ bir beyt-i ulvîyi ve bir beyt-i süflîyi muhtevî mütevelli’l-mezbûr mülkü ve Mehmed Bey b. Abdullah el-Bevvâbü’s-sultânî mülkü ve vakıf ve tarîk-i hâs ile mahdûd olan cemî‘ menzilini bi-cümleti’l-hudûd ve kâffeti’l-hukūk mikdârı fıddî râyic fi’l-vakt beş bin akçe semen-i mu‘ayyen-i makbûza hâmil-i hâze’l-kitâb merhûm Hâce Hayreddin vakfı’na mütevellî olan Mehmed b. Kurd’a bey‘-i sahîh-i şer‘î ile bey‘ etmeğin ol dahi andan vakf-ı mezbûrun malı ile istiğlâlen iştirâ ettikde tahliyye ve tekābuzdan sonra işbu kitâbın zeylindeki senenin Muharremü’l-harâmı gurresinden sene-i kâmile tamâmına değin müddet-i mezbûrede mezbûrü’n-na‘t beş yüz akçe ücret-i mu‘ayyeneye istîcâr eyleyip mütevellî dahi ana îcâr etmeğin istîcâr ve îcâr-ı sahîhayn-i şer‘iyyeyn tarafeynden makbûl olup ikrârı mütevelli’l-mezbûr kıbelinden vicâhen ve şifâhen tasdîk olunup derkine ve ücretine bâyi‘a-i mezbûrenin zevci Sefer b. Abdullah ve mahalle-i mezbûreden Ali b. Resûl ve Havâss-ı Kostantıniyye el-mahmiyye tevâbi‘inden Cebeci karyesinden Yorgi v. Dimitri emr ve kabûlü hâviye kefâlet ile kefîl olmağın [kayd olundu]. Şuhûdü’l-hâl: Mustafa Çelebi b. Yusuf ..? bi-evkāfi’l-merhûm Hazret-i Ebâ Eyyûb el-Ensârî, Mehmed Bey b. Hüseyin, Mustafa b. İvaz, Mehmed b. Ali ve gayr