Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 216 Hüküm no: 342 Orijinal metin no: [39a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cebecibaşı Ahmed Ağa vakfı tasarrufunda olan Sultan Bayezid Hân Evkâfı’na ait arâziden iki evlek yerin Hacı Abdi b. Hüseyin’e altmış yıllığına kiralandığı Yevmü’l-isneyn Hâmis-i şehr-i Rebî‘ilâhir sene 995. Cebecibaşı Ahmed Ağa evkāfı’na mütevellî olan Mustafa b. Ahmed’in kāimmakāmı olan İbrahim b. Abdullah meclis-i şer‘-i şerîfde takrîr-i kelâm edip sicill-i bâlâda mastûr olan arâziden her evleği tûlen otuz zirâ‘ ve arzan yirmi beş zirâ‘ olmak üzre hudûdunun bir tarafı Piyâle b. Abdullah ve bir tarafı Hacı Abdi b. Hüsam ve iki tarafı tarîk-i âm ile mahdûd olup tûlen altmış zirâ‘ ve arzan yirmi beş zirâ‘ iki evlek arz-ı hâliye[yi] târih-i kitâb şehrinin gurresinden altmış yıl tamâmına varınca icâre-i tavîleyi tecvîz eden fukahâ-i üli’l-elbâb kavilleri üzre tecdîd-i müte‘âkideyne muhtâc olmaksızın her üç yılda bir akd olmak üzre yirmi akd ile işbu sâhibü’l-kitâb Hacı Abdi b. Hüseyin nâm kimesneye dört bin altı yüz akçeye icâre-i tavîle ile verip dört bin akçesin mu‘accel[en] nakid alıp bâkī kalan altı yüz akçeyi sâl-be-sâl onar akçe vermek şartıyla altmış yıla değin icâre ile verdim ki ba‘de’l-yevm her sene vakf-ı mezbûr mütevellîsine edâ ede dedikde mukırr-ı mezbûr kāimmakām İbrahim’in ikrâr-ı meşrûhunu mukarrun lehü’l-merkūm Hacı Abdi tasdîk edip mâ hüve’l-vâki‘ sebt olundu. Şuhûdü’l-hâl: Es-Sâbikūn