Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 216 Hüküm no: 343 Orijinal metin no: [39b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cebecibaşı Ahmed Ağa Vakfı’na ait olan selhhâne ile kasap dükkânının Foti’ye kiraya verildiği Bi’l-fi‘l Cebecibaşı olan umdetü erbâbi (………..) kāimmakāmı ve câbisi İbrahim Bey b. Abdullah meclis-i şer‘-i şerîfde (……….) vakf-ı mezbûrdan olup medîne-i Ebâ Eyyûb Ensârî -razıye anhü rabbühü’l-Bârî-’de Büyük iskele’de [bir tarafı] Hacı Yunus dükkânı ve bir tarafı tarîk-i âm ve bir tarafı tülbentçi Hüseyin’in pereme yerleri ve bir (….) [i]le mahdûd selhhâneyi ve Büyük Karaman çarşısı’nda vâki‘ inde’l-ahâlî ma‘lûmü’l-hudûd kasab dükkânını cemî‘ tevâbi‘ ve levâhıkıyla ve menâfi‘iyle işbu Şa‘bânü’l-mu‘azzam gurresinden [sene-i] kâmile tamâm oluncaya değin günde elli akçe icâreye verdim her ay tamâm oldukça icâre-i mezbûreyi cânib-i vakfa bi’t-tamâm haklaşa (...) ikrâr eyledikde câbi[-i] mezbûrun vech-i meşrûh üzre olan ikrârını merkūm Foti vicâhen tasdîk eyledikden sonra [kayd olundu]. Fî 29 Recebi’l-mürecceb [sene 995?] Şuhûdü’l-hâl: Hemdem b. Abdullah, el-Hâc Mehmed el-İmâm, Osman b. Abdullah el-Cündî, Hacı Kenan, Mehmed b. Ali, Hüseyin (…) Mezbûrân Hüseyin ve Foti’nin ortakları Dimitri v. Yani ve Foti v. Kominos ve Franko v. Kominos Sene semân ve tis‘în ve tis‘a mi’e Recebi evâilinde bu cilde mübâşeret olundu.